14Oct, 2023
“ЖЫЛДЫН МЫКТЫ ОКУТУУЧУСУ 2023”
“ЖЫЛДЫН МЫКТЫ ОКУТУУЧУСУ 2023”
“Эл тараза,эл сынчы”-демекчи, Нарын областтык бириктирилген ооруканасынын жетекчилигинин демилгеси менен уюштурулган “Мыкты дарыгер -2023” сынагында Нарын медициналык колледжинин окутуучусу Шырдакова Үпөл Дүйшөналиевна катышып, “Күлүктөн күлүк чыкса, төрт аягы тыбырайт”-дегендей, фейсбук социалдык баракчада атаандаштарынын арасынан көп добуш топтоо менен “МЫКТЫ ОКУТУУЧУ” номинациясын жеңип, уюштуруучулардын ыраазычылык каты жана атайын статуэткага ээ болду.
Үпөл Дүйшөналиевна, Сиздин сыйлык-жалпы колледждин сыймыгы. Сыйлыгыңыз кут болсун, ишиңизге ийгилик!
11Oct, 2023
КЫЗДАР КЕҢЕШИ
НАРЫН МЕДИЦИНАЛЫК КОЛЛЕДЖИНДЕ КЫЗДАР КЕҢЕШИ.
(29.09.2023)Нарын медициналык колледжинде кезектеги кыздар кеңеши болуп өттү, анда кыздардын жүрүм туруму, кийинүү адеби, тартиби, сабакты калтырбай, кечикпей келүүлөрүнө, коомдук жайда өзүн алып жүрүүсү жөнүндө түшүндүрүү иштери айтылды.
Ошондой эле НМКнын психологу А. Артыкбаева менен тааныштырып, эгер психологдун кеңешине муктаж болгон кыздар ар дайым кайрылып туруусуна шарт түзүлгөнүн, кандай гана проблемалар болбосун эч тартынбастан келип кыздар кеңешинин төрайымына, кураторуна же психологго кайрылып туруусу айтылды.
11Oct, 2023
ЖӨӨ ЖҮРҮШ/ НМК
ЖӨӨ ЖҮРҮШ/ НМК
(27.09.23ж) Нарын шаарынын аймагында “5-октябрь кырсыктардын тобокелин азайтуу күнүнө” карата Нарын медициналык колледжинин студенттери демонстрациялык жөө жүрүшкө жигердүү катышышты.
Андан соң колледждин студенттери Нарын шаарындагы Өзгөчө кырдаалдар бөлүмүнө барышып, ал жерден куткаруучулар тарабынан өрт өчүрүүчү автоунаа, керектүү шаймандар жана өздүк курам менен жакындан таанышып, ачык эшик күнүнө катышышты.
11Oct, 2023
АТА-ЭНЕЛЕР ЧОГУЛУШУ
АТА-ЭНЕЛЕР ЧОГУЛУШУ
Нарын медициналык колледжинде 1-курстун студенттеринин ата-энелери менен жолугушуу болду. Чогулушка колледждин директору
Т.Б. Арпачиева, административдик тобу жана ата-энелер катышты.
Чогулушта колледж тууралуу жалпы маалымат, билим берүү системасынын өзгөчөлүктөрү, колледждин жүргүзүп жаткан ишмердиги, адистиктер, сурамжылоо жүргүзүү маселелери, студенттердин тазалыгы, тартиби жөнүндө айтылды.
Жыйын ата-энелердин суроо-жооп, сунуш пикирлери менен коштолуп, ата-энелер тарабынан берилген суроолорго жеткиликтүү жоопторду ала алышты.
Жыйындын соңунда ата -энелер НМКнын жамаатына, өз ыраазычылыктарын билдиришти.
