Медициналык билим берүү мекемеси
Медициналык билим берүү мекемеси
НМК/ПЕДАГОГИКАЛЫК КЕҢЕШМЕ
(08.06.2023-жыл)Нарын медициналык колледжинде жыйынтыктоочу мамлекеттик аттестация алдындагы кезексиз педагогикалык кеңешме болуп өттү.
Педагогикалык кенешмеде 2022-2023-окуу жылынын бүтүрүүчү тайпаларынын билим сапаты, Еbilim порталында билими боюнча биринчи ондукка кирген студенттер, ЖМА (жыйынтыктоочу мамлекеттик аттестация) боюнча маалыматтар берилди.
Кеңешмеге жетекчилик курам кураторлор жана студенттер катышты.
30.08.2022-ж. Нарын медициналык колледжинде педагогикалык кеңешме болуп өттү . Аталган кеңешмеде 2021-2022-окуу жылынын II жарым жылдыктын жыйынтыгы, сурамжылоонун анализдери, 2022-2023-жылынын кабыл алуу комиссиясынын отчеттору каралды.
06.06.2022-жыл, Жылды жыйынтыктоочу педагогикалык кеңешме болуп өттү. Кеңешмеде тарбия иштери боюнча директордун орун басары Ж.М. Медербековдун 2021-2022-жылдагы тарбия иштеринин отчету каралды.
Педагогикалык кеңешменин соңунда медициналык кызматкерлер күнүнө карата
Саламаттык сактоо министрлигинин “Ардактуу кызматкери” төш белгиси менен С.Ш.Дуйшомбиева жана “Ардак грамотасы” менен Ж.С.Касымова, Нарын шаардык мэринин “Ардак грамотасы” менен Ж.С.Бердиматов,
Ж.Артыкбаева, Нарын облустук ыйгарым укуктуу өкүлүнүн “Ардак грамотасы” менен К.Иманканова, Нарын медициналык колледжинин “Ардак грамотасы” менен Ж.Ашыбаева, Ж. Абдыразакова, А. Жумакадыров сыйланышты.
Бүгүн 17- июнь күнү Нарын медициналык колледжинде кезектеги жыйынтыктоочу мамлекеттик аттестация алдындагы педагогикалык кеңешме болуп өттү.
Кун тартибинде төмөндөгү маселелер каралды:
1. Китепкана фонду. Окуу китептерин окуу пландары жана окуу программалар менен шайкештиги.
2. Нарын медициналык колледжиндеги билим берүү программаларын материалдык- техникалык камсыздоонун деңгээли.
3. Бир жылда иштер боюнча отчет. Күз-кыш мезгилине даярдык.
Педагогикалык кеңешмеде директордун окуу иштери боюнча орун басары тарабынан 2020-2021- окуу жылындагы жүргүзүлгөн иштер, бүтүрүүчүлөрдүн саны, акыркы үч жылдагы билим сапаты боюнча көрсөткүчтөр, окутуучулардын сапаттык курамы, академиялык беделди жогорулатуу, академиялык мобилдуулук, социалдык өнөктөштурууну бекемдөө, колледждеги окуу- тарбиялык иш-чаралар, студенттер үчүн усулдук иштелмелер, материалдык техникалык база, COVID-19 мобилдик топтордо, Газпромдо күндүзгү стационарда жүргүзгөн иштери боюнча видеослайддар коштогон отчет берилди.
Педагогикалык кеңешмеде Нарын медициналык колледжинин бухгалтери Капарова Акылыйма КР Саламаттык сактоо министрлигинин “Мыкты кызматкери төш белгиси” жана практикалык окутуу боюнча директордун орун басары Дүйшөмбиева Гүлкайыр Султакеевна “Ардак грамотасы”, ошондой эле бир нече кызматкерлер колледждин сыйлыктарына ээ болушту.
Социалдык өнөктөштөр тарабынан колледждин дарегине жылуу сөздөрүн айтышты.
Кеңешмеге келген социалдык өнөктөштөргө колледждин атынан ыраазычылык каттар берилип, соңунда колледждин директору жана окутуучулар тарабынан бир нече көйгөйлүү суроолор берилип, шаар башчысынан ынанымдуу жооптор алынды.
