НАРЫН МЕДИЦИНАЛЫК КОЛЛЕДЖИ/ КЫЗАМЫКТЫ АЛДЫН АЛУУ/ АКЦИЯ

Нарын медициналык колледжинин 2-клиникалык кошууну тарабынан “Кызамыкты алдын алуу, өздүк гигиена” темасында акция жүрүп жатат.

Акциянын алкагында “Ата Түрк” балдар бакчасында болуп, жогорку тайпадагы балдарга өздүк гигиена эрежелери боюнча мультфильм көргөзүлүп, темага ылайык табышмактар аркылуу оюн ойнотуп, балдарга таттуларды жана суюк самын, кагаз сүлгүлөрдү белекке тапшырышты.

Ал эми тарбиячылар үчүн “Кызамык” темасы боюнча презентация көргөзүлүп, өзгөчө кызамыктын негизги белгилери жана алдын алуу боюнча кенири маалымат берилип, түстүү брошюралар таратылды жана ден-соолук бурчуна илинди.

Кызамыктын белгилери жана алдын алуу боюнча маалыматты камтыган брошюралар НМКнын ар бир этажына илинип,” Окуу симуляциялык тренажердук” бөлүмдүн балдар бөлмөсүнө дагы баннер жана брошюралар тагылды.

Аталган акция НОБО нын балдар бөлүмүндө дагы жүргүзүлүп, энелер үчүн сабак өтүлүп, кеңири маалымат берилди жана бөлүмдүн сан агартуу бурчуна “кызамыктын алдын алуу” боюнча чыгарылган баннери жана кабыл алуу бөлүмүнө, коридорлордун дубалдарына брошюралар тагылды.