Архивы Кеңешмелер - Page 5 of 6

8Окт, 2021

Бүгүн 07.10.2021-ж, Нарын медициналык колледжинде усулдук кеңешмеси болуп өттү.

Кеңешмеде колледждин усулчусу тарабынан усулдук кеңештин 2021-2022-окуу жылына түзүлгөн иш планы менен тааныштырылды.
Кеңешменин соңунда колледждин директору Т.Б.Арпачиева сөз сүйлөп, үзүрлүү эмгектенип жаткан окутуучуларды мугалимдер күнү менен куттуктап, эмгек алдыңкылары
Т.Б. Арпачиева Билим Берүү министрлигинин “Ардак грамотасы”, Артыкбаева А.Э. КРнын президентинин облусундагы ыйгарым укуктуу өкүлүнүн аппаратынын “Ардак грамотасы”, Бокоев Н.Т. жана Шакиров Н.Э. Нарын шаардык мэриясынын жана Нарын шаардык кеңешинин “Ардак грамотасы” менен сыйланышты.

2Окт, 2021

1-октябрь күнү Нарын медициналык колледжинде 1-курстардын ата-энелер жыйналышы болуп өттү.

Жыйналышка ата-энелер, админинистрация, кураторлор жана ата-энелер комитети катышты. Жыйында Нарын медициналык колледжинин директору Т.Б.Арпачиева сөз сүйлөп, колледждин тарыхы, академиялык мобилдүүлүк, студенттердин сабакка катышуу, жетишүүлөрү, тууралуу маалыматтар айтылып, катышып берген ата-энелерге ыраазычылык билдирди. Ошондой эле ар бир ата-эне балдарынын терең билим алуусу үчүн кураторлор менен тыгыз байланышта болууларын белгилеп өттү.
Кураторлор студенттерди сабактарга кызыгуусун арттыруу үчүн ата-энелер жана студенттер тарабынан көзөмөлгө алынуусу учур талабы экендиги айтылды.
Жыйындын соңунда ар бир группанын кураторлору ата-энелерге колледждин материалдык- техникалык базасы менен тааныштырды.

1Окт, 2021

2021-жылдын сентябрь айында Нарын медициналык колледжинде кезектеги кыздар кеңешинин чогулушу болуп өттү.

Жыйналышты колледждин бөлүм башчылары Ү.Шырдакова, Г. Шамова жана кыздар кеңешинин төрагасы Б.Темирканова ачты.
Кеңешмеде кыздардын жүрүм- туруму, тартиби, окуусу жөнүндө жана гигиеналык эрежелерди сактоо, ден-соолукка байланыштуу маалыматтар, түшүндүрүү иштери айтылды.
Жыйналыштын соңунда кыздар тараптан берилген суроолоруна жеткиликтүү жооп алынды.
Колледждин талабына ылайык форма, тартип, окуусу тууралуу сунуштар айтылды.

1Окт, 2021

29- сентябрда Нарын медициналык колледжинин администациясы колледждин жаштар биримдигинин мүчөлөрү менен жолугушуу өттү.

Жолугушууда колледждин директору Т.Б.Арпачиева тарабынан
-Поэзия клубун ачып, жыйнактарды(китеп) чыгаруу;
-Манас театрын уюштуруу;
-Медицина менен спортту айкалыштыруу, сергек жашоого үндөө максатында жөө жүрүш, вело-марш акцияларын өткөрүү;
-Ж.Абдрахмановдун 120 жылдыгына карата иш-чара өтүү;
-Шаардык, райондук, колледждин иш-чараларга активдүү катышуу
-COVID-19 илдетин алдын алуу максатында презентация, видео тартуу
-Ден -соолук программасын ачуу
-Интеллектуалдык оюндарды ж.б тармактар менен жакшы иштерди алып баруу боюнча көрсөтмөлөр берилип,
жолугушуунун соңунда жаңы шайланган мүчөлөрдүн ишке киришүүсү менен куттуктоо сөздөрү айтылып, студенттерди жоопкерчиликке, патриоттуулукка, күжүрмөн эмгекке үндөдү.

29Сен, 2021

Бүгүн 28.09.2021-жыл, Нарын медициналык колледжинин администациясы студенттердин волейбол боюнча курама командасы менен жолугушту.

Жолугушууда администрация студенттердин көйгөйлүү маселелерин, сунуштарын, ой пикирлерин угуп талкуу жүргүзүштү.
Волейбол оюну биздин колледжибиздин имиджинин бир бөлүгү десек жаңылышпайбыз, ден-соолугун чыңдоодо дене тарбиясы менен спорттун маанилүү ролу туурасында кеп кылышып, колледждин директору Т.Б. Арпачиева жана админинистрация тарабынан волейбол оюнчуларын колдоосун, спорттун түрлөрүн өнүктүрүүгө көңүл бураарын белгиленди.