Нарын медициналык колледжинде “Заманбап зыяндуу адаттар. Вейп” аттуу акция өткөрүлдү

Нарын медициналык колледжинин жалпы клиникалык кошуну тарабынан өспүрүмдөрдүн саламаттыгын коргоого багытталган маанилүү акция өткөрүлдү. Иш-чарага 4 ДИБ тайпасынын студенттери, Нарын шаарындагы бир нече мектептердин окуучулары жана Нарын облусунун ИИБнин баңгизатка каршы бөлүмүнүн кызматкерлери да катышты.

Акциянын уюштуруучусу – “Дени сак адам жана анын чөйрөсү” сабагынын окутуучусу Шаршенова У.А.

Программа төмөнкүлөрдү камтыды:

• Вейп жана электрондук тамекинин зыяндары боюнча видео презентация
• Студенттер тарткан таасирдүү сценка “Түтүнгө алданба!”
• LED экран аркылуу суроо–жооп бөлүгү, интерактивдүү оюндар
• Нарын облусунун ИИБ баңгизатка каршы бөлүмүнүн кызматкерлери тарабынан профилактикалык түшүндүрүү иштери
• Акция соңунда чакан фуршет

Максат — жаштарга вейп “зыянсыз” эмес экенин, никотин көз карандылыгы, өпкө жана жүрөк оорулары сыяктуу коркунучтарды түшүндүрүү жана сергек жашоого үндөө.

Бул иш-чара жаштардын ден соолугуна болгон жоопкерчилигин арттырууга, туура тандоо жасоого жана зыяндуу адаттардан алыс болууга багытталды.

Сергек жашоо – сергек келечек!

Нарын медициналык колледжи ден соолукту чыңдоого жана алдын алуу иштерин уланта берет.

Нарын медициналык колледжинде баңгизаттар боюнча түшүндүрүү лекциясы өттү

Нарын медициналык колледжинде Нарын бажы кызматынын контрабанда жана бажы эрежелерин бузуу менен күрөшүү бөлүмүнүн башчысы Иманкулов А.У. жана опер кызматкерлери Мундузов Б.З., Мусаева М.А. студенттер менен жолугушуп, баңгизаттар тууралуу кеңири маалымат беришти.

Жолугушуунун жүрүшүндө төмөнкү темалар талкууланды:
• Баңгизаттарды ташуу ыкмалары жана контрабанданын коркунучтары;
• Баңгизаттардын түрлөрү, алардын кесепеттери жана дүйнөлүк статистика;
• Аптекадан сатылган синтетикалык наркотикалык заттар жана алардын зыяны;
• Баңгизатка көз карандылык жана анын алдын алуу жолдору.

Ошондой эле, адистер келечектеги медицина кызматкерлери бул дары-дармектерге күнүмдүк ишинде кезигиши мүмкүн экенин белгилеп, алардын таасири жана кооптуу жагдайлары тууралуу маалымдуу болуу зарылдыгын баса көрсөтүштү.

Студенттер лекцияга активдүү катышып, суроо-жооп форматында талкуулар өткөрүлдү. Иш-чара жаш адистердин билимин кеңейтип, коопсуздук чараларын өздөштүрүүгө көмөк көрсөтөт.

#НарынМедколледжи #ТүшүндүрүүЛекциясы #Баңгизаттар #БажыКызматы #МедицинаКызматкерлери

“ПОЭЗИЯ КЕЧЕСИ”

21- февраль Эне тил күнүнө карата “Ырым -менин жан дүйнөм” темасында поэзия кечеси өттү. Мында поэзиянын келип чыгыш тарыхына толук маалымат берилип, эне тил жөнүндөгү белгилүү акындардын ырлары окулду.

Атап айтсак, А.Осмонов, А.Токомбаев, А.Токтомушев, Б.Сарногоев, Ш.Дүйшеев, Р.Гамзатов ж.б.

Ар бир тилдин кудурети ошончо,

Өз ээсине дабалыгы алардын.

Эртең тилим жоголору чын болсо,

Анда жакшы бүгүн өлүп калганым.

Бул поэзия кечесинде ыр жазып жүргөн студенттерди тааныштыруу да болду. Анда өзүлөрү чыгарган ырлары авторлордун окуусунда окулду.

3 ФАРМ Б – Өмүрбекова Айдана “Даңазалап турдуң ошол мүнөттө, улуулугун ак сүйүүнүн түбөлүк”,

3 МИ Б – Усен кызы Сайкал “Эй, адамдар”

1 ДИ К – Эржан уулу Салиджан “Эне тилин сактаймын”,

2 ЛАБ – Замир кызы Алтынай “Мен кызмын”,

1 ДИ К – Талантбек уулу Бекбол “Люди в белых халатах”, Темирбеков Автандил “Жаш студенттин арманы”.

Студенттердин автордук ырлары жакшы жазылган, аларга мындан ары да ийгилик, каалоо- тилектер айтылды.