Медициналык билим берүү мекемеси
Медициналык билим берүү мекемеси
(21.10. 2022) Нарын районуна караштуу Миң-Булак айылындагы А.Тыныбеков атындагы орто мектептин 5-6- класстын окуучулары Нарын медициналык колледжине экскурсия кылып, таанышып кетишти.
Мектеп окуучуларына колледждин шарттары, окуу залдары жана материалдык техникалык базасы менен тааныштырылды.
Нарын медициналык колледжинин техникалык кызматкерлерден жалпы 10 адам эмгектенет. Анын ичинен: 1 техникалык коопсуздук боюнча инженер, 1 жыгач-уста, 1-электрик, 4 кызматтык жайларды тазалоочулар,3 кароолчу.
Чарба иштери бөлүмү тарабынан жыл сайын оңдоп түзөө иштери жүргүзүлүп келет.
Үстүбүздөгү жылдын июль-август айларында окуу бөлмөлөр, жыйындар жана конференциялык залдарына капиталдык ремонт иштери жүргүзүлдү.
Ошондой эле окуу жайдын тескей тарапта жайгашкан окуу бөлмөлөрүнө керамофарфоровый жылыткычтар кошумча орнотулду.
Республикадагы медициналык колледждер арасында академиялык мобилдүүлүк программасынын алкагында студенттер менен алмашып окутуу боюнча Нарын медициналык колледжинин 1-МИ(б) тайпасынан Кайырбек к Ж, 3-МИ (к) тайпасынын студентти Нурланова А.Н. Токмок медициналык колледжине жана 2-Фарм тайпасынын студенти Көкөбаева А. Каракол медициналык колледжинде билим алып жатышат.
Нарын медициналык колледжинде ата-энелердин жоопкерчилигин күчөтүү максатында 2022-жылдын сентябрь айында окууда жетишпеген студенттердин ата-энелери менен жекече иш алып баруулар жүрдү.
Нарын медициналык колледжинде окуу процессинде ден-соолукка шарт түзүү менен, билим сапатын жогорулатуу максатында колледждин баардык курстардагы студенттер флюрографиядан өтүштү.
Нарын медициналык колледжинин усулдук бөлүмү тарабынан:
1. Пилоттук негизде ачылган “Сестралык иштин негиздери” тайпасынын окуу программалары иштелип чыкты;
2. Жаңы окуу жылына окутуучулар тарабынан иштелип чыккан жумушчу программалары текшерилип бекитилди;
3. Окутуучулардын портфолиолору толукталууда;
4. Студенттер үчүн окуу-усулдук иштелмелерди чыгаруу улантылууда, анын негизинде редакциялык кеңеш иш алып барууда;
5. Жаңы окуу жылына иш мерчемдер бекитилди.
