• Search for:
    21Окт, 2025
    Студенттер күнүнө карата жеңиш

    Нарын медициналык колледжинин студенттери футбол таймашында 1-орунду камсыздашты

    17-ноябрда Эл аралык студенттер күнүнө карата Нарын педагогикалык колледжинин демилгеси менен Нарын шаарындагы орто жана жогорку окуу жайларынын студент балдарынын ортосунда кичи футбол боюнча мелдеш болуп өттү. Иш-чаранын негизги максаты – студенттер арасында достукту, биримдикти бекемдөө жана спортту жайылтуу болду.

    Мелдешке жалпы 9 команда катышып, жогорку деңгээлде атаандаштык жүрдү. Жыйынтыгында Нарын медициналык колледжинин балдар командасы мыкты оюн көрсөтүп, 1-орунга ээ болду.

    Жеңүүчүлөр кубок, медаль жана акчалай сыйлыктар менен сыйланышты.

    Нарын медициналык колледжи өз студенттерин бул ийгилиги менен куттуктайт жана келечекте дагы спорттук жана чыгармачыл ийгиликтерди каалайт!

    20Окт, 2025
    “Тайпалар таймашы — достук жана бийик дем!”

     

    Кыргыз Республикасынын Президентинин №360 “Улуттук дем – дүйнөлүк бийиктик” концепциясын колдоо максатында Нарын медициналык колледжинин 1-курстары арасында волейбол боюнча тандоо туру өткөрүлдү.

    Иш-чаранын максаты — студент кыздарды сергек жашоого үндөө, спортко болгон кызыгуусун арттыруу жана командалык биримдикти чыңдоо болуп саналат.

    Жыйынтык:

    1-орун — 1 Ми к

    2-орун — 1 Фарм

    3-орун — 1 Ди

    4-орун — 1 Ми

    Бардык катышкан кыздарга ыраазычылык билдиребиз!

    Силердин активдүүлүгүңөр, командалык дем күчүңөр жана энергияңар чыныгы үлгү! ✨

    #НарынМедКолледжи #Волейбол2025 #СергекЖашоо #УлуттукДем #КыздарСпортто

    17Окт, 2025
    Театр студиясы — Нарын медициналык колледжинин сыймыгы!

    2018-жылдан бери биздин студенттер сахна аркылуу коомго терең ой салган, маанилүү социалдык темаларды чагылдырып келишет.
    Ар бир спектакль — бул жаштардын сезимин, жүрөгүн жана үнүн камтыган тирүү сабак, турмуштук тажрыйба.

    Жакында театр студиябыз “Биз зомбулукка каршыбыз!” аттуу спектакль менен М. Рыскулов атындагы Нарын облустук академиялык музыкалуу драма театрында чоң сахнага чыкты.
    Эки күн бою, ар күнү эки сеанс менен көрсөтүлгөн бул чыгарма Нарын шаарынын мектеп окуучулары менен студенттерине терең таасир калтырды.

    Спектаклдин негизги мазмуну — бүгүнкү коомдогу эң оор жана актуалдуу көйгөйлөр:
    үй-бүлөлүк жана коомдук зордук-зомбулук, миграциянын кесепеттери, рэкетчилик, суицид жана кайдыгерлик.

    Сценарийдин автору — милициянын полковниги, учурда Президенттин Чүй облусундагы ыйгарым укуктуу өкүлү Канат Жумагазиев.
    Анын демилгесин Нарын облустук Ички иштер башкармалыгы колдоого алып, бул сахналык чыгарманы элге тартуулады.

    Ал эми театр студиясынын жетекчиси — Темирканова Бактыгүл Асанбековна, Нарын медициналык колледжинин тарбия иштери боюнча директордун орун басары.
    Анын демилгеси жана жетекчилиги астында студенттер сахнада чыныгы профессионалдардай өнөр көрсөтүшүп, зордук-зомбулуктун кесепеттерин жүрөктөн чыккан эмоция менен чагылдырды.

    Бул спектакль — жаштардын кайдыгер эместигинин, ак ниеттиктин жана оң өзгөрүүлөргө чакырыктын символу болду.

    Нарын медициналык колледжинин театр студиясы бүгүн чыгармачылыктын гана эмес, адамдык тарбиянын да мектеби.
    Бул жерде ар бир студент сахна аркылуу боорукердикти, жоопкерчиликти жана адам тагдырына кайдыгер болбоону үйрөнөт.

    Жакынкы убакта спектакль Жумгал, Кочкор, Ак-Талаа, Ат-Башы райондорунда жана Балыкчы шаарында да көрсөтүлөт.
    Иш-чаранын уюштурулушун жана чыгымдарын Нарын ОИИБ колго алган.

    Биз — зомбулукка каршыбыз!
    Биз — жакшы келечек үчүнбүз!
    Нарын медициналык колледжи — жаштардын үнү, таланттын очогу, жакшылыктын жарчысы!

    ⸻

    #БизЗомбулуккаКаршыбыз #НарынМедКолледжи #ТеатрСтудиясы #ЖашТаланттар #НарынОИИБ #БактыгүлТемирканова #КоомдукТарбия #ЖаштарҮнү #ТарбияЖанаТалант #Нарын

    16Окт, 2025
    Камкордук жана боорукердик иши — гериатрия сабагынын алкагында

    Нарын медициналык колледжинин «Гериатрия» предмети боюнча окутуучу Элизат Кыдырбековна Асанкулованын жетекчилиги алдында 4-курс студенттери (бюджет жана контракт тайпалары) тарабынан «Улгайган адамдарга көңүл буруу жана кам көрүү» аттуу иш-чара уюштурулду.

    Бул иш-чара Кыргыз Республикасынын Эмгек, социалдык камсыздоо жана миграция министрлигинин 2024-жылдын 28-августындагы №04-10/7929 катынын жана №237-буюругунун негизинде өткөрүлдү. Максаты — улгайган жарандардын ден соолугун текшерүү, медициналык кеңеш берүү, ошондой эле студенттердин гериатрия багытындагы практикалык көндүмдөрүн өркүндөтүү болуп саналат.

    Студенттер Нарын облустук бириктирилген ооруканасынын №1 жана №5 ЦСМи берген даректер боюнча 30 улгайган бейтаптын үйүнө барып, кан басымын, пульсун, кандагы кант деңгээлин жана жалпы абалын текшеришти. Ар бир бейтапка көңүл бурулуп, жылуу сөздөр жана пайдалуу кеңештер айтылды.

    Иш-чарага демөөрчүлүк көрсөткөн жарандарга жана мекемелерге ыраазычылык билдиребиз:

    • Байкубатова Асель Болотбековна («Бай-Эл» дүкөнү), Данияр жана Мээрим («Нарынбек» дүкөнү) — нават жана печенье;
    • Рамазан (үй-тиричилик товарлары дүкөнү), Нурманбетов Жаныбай Бактыбекович — самын жана пакеттер;
    • Шапакова Жайна Рахатбековна, Нарын медициналык колледжинин окутуучусу — чай менен демөөрчүлүк көрсөтүштү.

    Бул иш-чара жылуу маанайда өтүп, улгайган жарандар студенттерге ыраазычылыктарын билдиришти.

    Мээрим, камкордук жана боорукердик — медицина кесибинин жүрөгү экенин студенттер дагы бир жолу далилдешти.

    Дата: 15-октябрь 2025-жыл

    ‍⚕️ Жооптуу: окутуучу Элизат Кыдырбековна Асанкулова

    Катышкан тайпалар: 4ДИ “Б” жана 4ДИ “К”


    15Окт, 2025
    Студенттер күнүнө карата жеңиш!

     

    17-ноябрда Эл аралык студенттер күнүнө карата Нарын Педагогикалык Колледжи тарабынан уюштурулган волейбол боюнча мелдеш болуп өттү.
    Бул мелдешке Нарын шаарындагы орто жана жогорку окуу жайлардын студент кыздары катышып, жалпы 6 команда күч сынашты.

    ✨ Нарын Педагогикалык Колледжинин командасы мыкты оюн көрсөтүп, 1-орунду ээледи!
    Ошондой эле, НМКнин 3-“М” тайпасынын студенти Турганбекова Гулзада — “Мыкты оюнчу” наамы менен сыйланды!

    Биз сыймыктанабыз!
    Жеңиштериңер дагы көп болсун, НМКнын кыздары!

    #НарынПедагогикалыкКолледжи #СтуденттерКүнү #Волейбол #НМК #Жеңиш #МыктыОюнчу #ГулзадаТурганбекова #Нарын #СтуденттерКүч #NPK #Volleyball #StudentDay

    11Окт, 2025

    «Жаштардын ынтымагы — жеңиштин ачкычы!» ⚽️

    Кыргыз Республикасынын Президентинин №360 “Улуттук дем – дүйнөлүк бийиктик” концепциясынын жана Инсандын руханий, адеп-ахлактык өнүгүүсү менен дене тарбиясын өнүктүрүү боюнча жарлыктын алкагында Нарын медициналык колледжинин студенттери арасында футбол мелдеши өткөрүлдү.

    Бул иш-чаранын максаты — студенттерди спортко тартуу, сергек жашоо образын жайылтуу жана достук менен биримдикти бекемдөө болуп саналат.

    ⚽️ Жыйынтык төмөнкүдөй болду:
    1-орун — 4-ди тайпасы
    2-орун — 3-ди тайпасы
    3-орун — 2-ди тайпасы
    4-орун — 1-ди тайпасы

    Бардык катышуучуларга чоң ыраазычылык!
    Силердин жигердүүлүгүңөр жана командалык духуңар – чыныгы үлгү!

    #НарынМедКолледжи #СергекЖашоо #Футбол2025 #УлуттукДем #ЫнтымакЖеңиш

    kirKyrgyz
    kirKyrgyz ru_RURussian