Нарын медициналык колледжи
Нарын медициналык колледжи
5-октябрь Мугалимдердин кесиптик майрамына карата , Нарын медициналык колледжинде майрамдык иш – чара болуп өттү. Иш- чарада студенттер колледждеги окуткан мугалимдердин дарегине каалоо-тилектерин, куттуктоолорун, алкыштарын ыр саптары, обондуу ырлар менен куттукташып, кол эмгек менен жасалган гүлдөрдү тартуулашты. Иш-чара мыкты деңгээлде өттү.
Бүгүн 05.10.2022-жылы Нарын медициналык колледжинде «Мугалимдердин кесиптик майрамы» белгиленди. Колледждин директору Т.Б. Арпачиева мугалимдердин ийгиликтери жөнүндө кеңири сүйлөп аларга ыраазычылык каалоолорун айтып өттү. Андан соң профсоюз уюму тарабынан окутуучуларга акчалай сыйлык тапшырылды. Ошондой эле Нарын шаардык мэриясы жана шаардык кеңештин Ардак грамотасы менен
Ж. Камазбекова КР Нарын областы боюнча ыйгарым укуктуу өкүлүнүн Ардак грамотасы менен Шакиров Н. жана Ак-Талаа райондук билим берүү бөлүмүнүн Ардак грамотасы менен “Театр студиясынын” жетекчиси Темирканова Б.А. сыйланышты.
Нарын медициналык колледжинин окутуучулары Кесиптик стандартынын негизинде жаңы муундагы окуу пландарын, программаларын иштеп чыгуу, окутуунун натыйжаларын формулировкалоо, окуу-усулдук комплектерин түзүп чыгуу иштерин алып барууда.
(03.10.2022-ж)Нарын медициналык колледжинин директору Арпачиева Төлөгүл Батыркановна административдик тобунун катышуусунда кезектеги жумалык жыйын өттү.
Жыйында: стратегиялык жана учурдагы пландар,жаш окутуучулардын сабагына катышуу,класстык журналдарды толтуруу, студенттердин сабакка катышуусуна көзөмөл жүргүзүүнү улантуу, академиялык мобилдүүлук боюнча маселелер талкууланды.
Нарын медициналык колледжинде 5-октябрь “Кыргыз Республикасында кырсыктардын тобокелчилигин төмөндөтүү күнүнө” карата өзгөчө кырдаалдар бөлүмүнүн кызматкерлери тарабынан машыгуу өткөрүлдү. Андан соң колледждин студенттери Нарын шаарындагы Өзгөчө кырдаалдар бөлүмүнө барышып, ал жерден куткаруучулар тарабынан өрт өчүрүүчү автоунаа, керектүү шаймандар жана өздүк курам менен жакындан таанышып, ачык эшик күнүнө катышышты.
Kyrgyz 
Russian