Кеңешмелер – Нарын медициналык колледжи

6Sep, 2024

КООПСУЗДУК САБАГЫ

Бүгүн Нарын медициналык колледжинде тарбия иштери боюнча иш мерчеминин негизинде “Рекетизмди алдын алуу” темасында Нарын ШИИБдин окулдору (милициянын капитаны Болотбекова Салтанат Болотбековна, милициянын улук лейтенанты Бактыбекова Айдай Бактыбековна, милициянын лейтенанттары Саалаева Махабат Умоталиевна жана Субанов Элтаян Медербекович) менен биргеликте эркек балдар арасында профилактикалык жолугушуу өткөрүлдү. Инспекторлор биздин эркек студенттер менен өспүрүмдөр арасындагы кылмыштуулукту алдын алуу жана рэкетчиликтин коркунучтары тууралуу түшүндүрүү иштерин жүргүзүштү. Мындай иш-чаралар студенттердин жоопкерчиликтүү жана аң-сезимдүү мамилесин калыптандырууда маанилүү роль ойнойт.

30Aug, 2024

ПЕДАГОГИКАЛЫК КЕҢЕШМЕ

Педагогикалык кеңеш: жыйынтыктар жана келечекке карата пландар

30-август күнү биздин медициналык колледжде педагогикалык кеңеш өтүп, анда 2023-2024 окуу жылындагы негизги жетишкендиктер жана маанилүү маселелер талкууланды.

Кеңештин негизги бөлүгү — быйыл ийгиликтүү өткөн аккредитациянын жыйынтыктары болду. Аккредитациядан өткөн критерийлер талданып, алдыдагы беш жыл ичинде бул талаптарды ишке ашыруу жана жакшыртуу максатында конкреттүү милдеттер коюлду.

Директордун окуу бөлүмү боюнча орун басары өзүнүн отчетунда жетишилген ийгиликтерди жана аткарылган иштерди кеңири баяндады. Ошондой эле, кабыл алуу комиссиясынын жооптуу катчысы быйылкы окуу жылына кабыл алынган студенттер тууралуу маалымат берди.

Кеңештин соңунда, алдыдагы окуу жылында колледждин ишинин сапатын жакшыртуу жана өнүктүрүү боюнча негизги максаттар жана милдеттер белгиленди.

Биз келечектеги адистерди жогорку деңгээлде даярдоо үчүн билим берүү процессин үзгүлтүксүз өркүндөтүүнү уланта беребиз!

11Oct, 2023

КЫЗДАР КЕҢЕШИ

НАРЫН МЕДИЦИНАЛЫК КОЛЛЕДЖИНДЕ КЫЗДАР КЕҢЕШИ.

(29.09.2023)Нарын медициналык колледжинде кезектеги кыздар кеңеши болуп өттү, анда кыздардын жүрүм туруму, кийинүү адеби, тартиби, сабакты калтырбай, кечикпей келүүлөрүнө, коомдук жайда өзүн алып жүрүүсү жөнүндө түшүндүрүү иштери айтылды.

Ошондой эле НМКнын психологу А. Артыкбаева менен тааныштырып, эгер психологдун кеңешине муктаж болгон кыздар ар дайым кайрылып туруусуна шарт түзүлгөнүн, кандай гана проблемалар болбосун эч тартынбастан келип кыздар кеңешинин төрайымына, кураторуна же психологго кайрылып туруусу айтылды.

11Oct, 2023

АТА-ЭНЕЛЕР ЧОГУЛУШУ

Нарын медициналык колледжинде 1-курстун студенттеринин ата-энелери менен жолугушуу болду. Чогулушка колледждин директору
Т.Б. Арпачиева, административдик тобу жана ата-энелер катышты.

Чогулушта колледж тууралуу жалпы маалымат, билим берүү системасынын өзгөчөлүктөрү, колледждин жүргүзүп жаткан ишмердиги, адистиктер, сурамжылоо жүргүзүү маселелери, студенттердин тазалыгы, тартиби жөнүндө айтылды.

Жыйын ата-энелердин суроо-жооп, сунуш пикирлери менен коштолуп, ата-энелер тарабынан берилген суроолорго жеткиликтүү жоопторду ала алышты.

Жыйындын соңунда ата -энелер НМКнын жамаатына, өз ыраазычылыктарын билдиришти.

9Jun, 2023

Педагогикалык кеңешме

НМК/ПЕДАГОГИКАЛЫК КЕҢЕШМЕ

(08.06.2023-жыл)Нарын медициналык колледжинде жыйынтыктоочу мамлекеттик аттестация алдындагы кезексиз педагогикалык кеңешме болуп өттү.

Педагогикалык кенешмеде 2022-2023-окуу жылынын бүтүрүүчү тайпаларынын билим сапаты, Еbilim порталында билими боюнча биринчи ондукка кирген студенттер, ЖМА (жыйынтыктоочу мамлекеттик аттестация) боюнча маалыматтар берилди.

Кеңешмеге жетекчилик курам кураторлор жана студенттер катышты.

6Jun, 2023

БҮТҮРҮҮЧҮЛӨР ГАЛЕРЕЯСЫ

(03.06.2023)”Жалпы билим берүү” кошуун тарабынан даярдалган “Кесибим-ырыс кешигим” деген темадагы конференциянын экинчи бөлүгү “Бүтүрүүчүлөрдүн галереясынынын” ачылышы аземи менен башталды.

Бүтүрүүчүлөр галереясында бүгүнкү күндө, саламаттыкты сактоо тармагында, Республикабызда төбөсү көрүнгөн бүтүрүүчүлөрдун сүрөттөрү тагылган. Ошондой эле галереядагы сүрөт альбомдорунда окуу жайдын бүтүрүүчүлөрү өздөрүнүн альбомдорун көркөмдөп жасап, колледжге эстеликке таштап кетип турушат.Мындай иштер салтка айланган.

Конференцияга коледждин окутуучулары жана бүтүрүүчүлөрү катышышты.