НАРЫН МЕДИЦИНАЛЫК КОЛЛЕДЖИНИН ОКУТУУЧУЛАРЫ СТУДЕНТТЕР МЕНЕН БИРГЕЛИКТЕ ИНТЕЛЛЕКТУАЛДЫК ТАЙМАШТА БИЛИМ СЫНАШТЫ.

(13.12.2022) Бүгүн
Нарын медициналык колледжинде усулчу А.Т. Орозова тарабынан “Артка карай алдыга” аттуу интеллектуалдык таймаш өткөрүлдү.

Интеллектуалдык оюн “Жалпы медициналык” кошуундун декадасынын алкагында уюштурулуп,
аталган оюнга колледждин окутуучулары жана студенттери тайпа болуп катышышты.

Андан соң катышуучулар оюндун шарттары менен таанышып, ар тармакта даярдалган суроолорго жооп беришип, билимдерин текшеришти.

Аталган оюндун жыйынтыгында “Крассворд” жана “Тетракокки” командалары финалга чыгып, “Крассворд” командасы жеңишке ээ болду. Жеңүүчүлөр атайын акчалай сыйлыктар менен сыйланышты.

СТУДЕНТТЕРДИН ӨЗ АЛДЫНЧА ИШИ

(23.11.2022) Нарын медициналык колледжинин тажрыйба иштери боюнча директордун орун басары Дүйшөнбиева Гүлкайыр Султакеевна тарабынан “Студенттердин өз алдынча иши” бөлмөсүндө колледждин окутуучуларына эки күндүк презентация өтүлдү.

Өткөн жылы тажрыйба бөлүмү тарабынан студенттердин өз алдынча иши боюнча конкурс жарыяланып, 1- этабы өткөрүлгөн.

Аталган конкурс боюнча иш алып баруу улантылып, үстүбүздөгү окуу жылында клиникалык предметтер боюнча конкурстук негизде “Студенттердин өз алдынча иши” боюнча макет, муляж, альбом ж.б даярдалып, презентация жүргүзүлдү.

Нарын медициналык колледжинде ата-энелердин жоопкерчилигин күчөтүү максатында 2022-жылдын сентябрь айында окууда жетишпеген студенттердин ата-энелери менен жекече иш алып баруулар жүрдү.

Нарын медициналык колледжинде окуу процессинде ден-соолукка шарт түзүү менен, билим сапатын жогорулатуу максатында колледждин баардык курстардагы студенттер флюрографиядан өтүштү.