Спорт – Нарын медициналык колледжи

8Jun, 2024

МЭРДИН КУБОГУ 2024

ЖАЛКЫБЫЗ ЖАЛПЫБЫЗ ҮЧҮН, ЖАЛПЫБЫЗ ЖАЛКЫБЫЗ ҮЧҮН! Саламаттыкты сактоо жана сергек жашоонун синоними болуп эсептелген спорт дүйнөсүндө да биздин окуу жайдын орчундуу орду бар деп айтсак жарашат. «Билими күчтүү миңди жыгат, билеги күчтүү бирди жыгат» деген элдик накыл кептин таразасын тең салмакта кармоого ар дайым аракет кылып келе жаткан окуу жайыбыздын спортчулары бул күнү маанилүү мелдештин майданына күч сынашып чыгышты. Эсте каларлык дагы бир күн жөндөм менен шыктын, шамдагайлык менен шайма-шайлыктын, биримдик менен ынтымактын туусу астындагы сынак болду. Натыйжада биздин Нарын медициналык колледжинин спорт командасы 2024-жылдагы Нарын шаарынын мэринин кубогундагы байгелүү орундарга жетишти. Спорттун каармандарын окуу жайдын атынан оңой-олтоң колго илине бербеген татыктуу жеңиштери менен чын дилден куттуктайбыз! Нарын шаарындагы саламаттыкты сактоо тармагы боюнча онго жакын мекеме-ишканалардын катышуусундагы бул спорттук мелдеш кызуу жүрдү. Биздин студенттер мыкты чеберчиликти жана командалык биримдикти көрсөтүү менен төмөндөгүдөй байгелүү орундарга ээ болушту: – Аялдар арасында волейбол боюнча 1-орун – Аялдар арасындагы баскетбол боюнча 3-орун – Эркектер арасында волейбол боюнча 3-орун Жалпы командалык мелдеште биздин колледждин кыз-келиндер командасы ардактуу 2-орунду татыктуу оюн менен ээлешти! Арийне, биз спортчуларыбыз менен сыймыктанабыз жана баардык колдоо көрсөткөндөргө, сүрөөнчүлүк жана күйөрмандык кылган үчүн терең ыраазычылык билдиребиз! Жаңы жеңиштерге карай «жалпыбыз жалкыбыз үчүн, жалкыбыз жалпыбыз үчүн алга!» деген ураанды таштоо менен окуу жайыбызды спорт жана билимдин Олимпине, жеңиштердин Ала-Тоосуна, академиялык жетишкендиктер менен жашоонун ар тармагындагы албан-албан ийгиликтердин Теңир-Тоосуна жетишүүсүнө тилектешпиз! #НарынМедКолледжи #МэрКубогу2024 #Спорт #Жеңиш #Командалык дух

13May, 2024

ӨТМӨ КУБОК ОШ ЖЕРГЕСИНДЕ

“КЫРГЫЗСТАНДАГЫ МЕДИЦИНАЛЫК КОЛЛЕДЖДЕРИНИН АССОЦИАЦИЯСЫНЫН ӨТМӨ КУБОГУ”/

3-АЙЛАМПА

2024-жылдын 11-май күнү ОшМУнун медициналык колледжи тарабынан Ош мамлекеттик университетинин 85 жылдык маарекесине карата Кыргызстандагы медициналык колледждердин ассоциациясынын волейбол боюнча кубогу өткөрүлдү.

Мелдешке Кыргызстандагы медициналык колледждернин окутуучулардын курама командалары күч сынашты. Оюндар кызуу атаандаштыкта өттү.

Мелдештин жыйынтыгында байгелүү орунду ээлегендерге акчалай сыйлык жана тиешелүү даражадагы медальдар, грамоталар тапшырылды.

Мелдештин жыйынтыгында

1-орун 40 000 (кырк миң) сом – ОшМУнун медициналык колледжи

2-орун 30 000 (отуз миң) сом – Нарын медициналык колледжи

3-орун 20 000 (жыйырма миң) сом К.Ш.Токтоматов атындагы эл аралык медициналык колледж

4-орун 10 000 (он миң) сом Жалал-Абад медциналык колледжи ээ болушту.

Иш чара мыкты, жогорку деңгээлде өткөрүлдү.

30Apr, 2024

НМК САЯПКЕРЛИК КЫЛГАН ЖӨӨ КҮЛҮКТӨРДҮН МӨӨРӨЙҮ

Бүгүн 2024-жылдын 30-апрель күнү “Нарын шаарынын туруктуулугун жогорлатуу” программасынын алкагында Нарын шаарындагы Ала-Тоо стадионунда Нарын шаардык дене тарбия жана спорт бөлүмү жана Нарын шаарынын балдар- өспүрүмдөрдүн спорттук мектеби тарабынан спорттун жеңил атлетикалык түрү өткөрүлдү.

Бул спорттун түрүнө Нарын шаарындагы мекеме-ишканалардын кызматкерлери жогорку жана атайын орто окуу жайларынын студенттери, алардын ичинен Нарын медициналык колледжинин окутуучулары жана студенттери активдүү катышышып, алдынкы орундарды багындырышты.

22-30 жаш курактагылардын арасынан Нарын медициналык колледжинин “Дене тарбия ” сабагынын окутуучусу Абылабеков Э. – 1-орунду,

18-22 жаш курактагылардын арасынан НМКнын “1-ДИ(К)” тайпасынын студенти Мусабеков Эрмек – 2-орунду ээлесе,

Ал эми кыздардын арасынан “1-ДИ(К)” тайпасынын студенти Улан кызы Алтынай – 3- орунду ээледи.

Жеңил атлетикалык чуркоодо жаш курактарына жараша 1-2-3-орунду ээлеген спортчуларга Борбордук Азия Университетинин “Нарын шаарынын туруктуулугун жогорулатуу” программасынын демилгечилери тарабынан медаль, диплом жана баалуу сыйлыктар менен сыйланышты.

28Feb, 2024

КИЧИ ФУТБОЛ

“КИЧИ ФУТБОЛ” ОЮУНУ УЮШТУРУЛДУ.

23- февраль ” Ата мекенди коргоо күнүнө” карата Нарын медициналык колледжинде эркек балдар жана агайлар арасында “Кичи футбол” оюну болуп өттү.

Мелдешке жалпы төрт команда катышып,

2-“Дарылоо иши” тайпасы

орунду Агайлар командасы

орунду 3-“Дарылоо иши” тайпасы

4 орунду 1-“Дарылоо иши” тайпасы ээлешти.

Жеңүүчүлөргө Нарын медициналык колледжинин громаталары жан акчалай байгелер менен сыйланышты

https://youtube.com/shorts/b47eo4DMou4?si=2PJ1cEMhllYnc2aN

22Dec, 2023

КЫРГЫЗСТАНДАГЫ МЕДИЦИНАЛЫК КОЛЛЕДЖДЕРИНИН АССОЦИАЦИЯСЫНЫН ӨТМӨ КУБОГУ/ 2-АЙЛАМПА

2023-жылдын 21-22-ноябрында Бишкек шаарында А. Молдогазиев атындагы Бишкек медициналык колледжинин 95 жылдыгына арналган маарекеси өткөрүлүп, ошону менен бирге эле КРнын медициналык колледждеринин Ассоциацииясынын волейбол оюнунун Микс түрү боюнча экинчи ирээт өтмө кубогу болуп өттү.

Жалпы 12 команда (медициналык колледждер) катышып, 1- орунду-ОшМК, 2- орунду-БМК, 3- орунду- НМК элешти.

Атаандаштар жакшы даярдыкта келишип, оюн жогорку денгээлде кызуу өттү.

4Sep, 2023

ЭГЕМЕНДҮҮЛҮК КҮНҮНӨ КАРАТА СПОРТТУК ИШ-ЧАРАДА НАРЫН МЕДИЦИНАЛЫК КОЛЛЕДЖИ 1-ОРУНДУ ЭЭЛЕДИ.

(31.08.2023) ЭГЕМЕНДҮҮЛҮК КҮНҮНӨ КАРАТА СПОРТТУК ИШ-ЧАРАДА НАРЫН МЕДИЦИНАЛЫК КОЛЛЕДЖИ 1-ОРУНДУ ЭЭЛЕДИ.

31-август – Кыргыз Республикасынын Эгемендүүлүк күнүнө, белгилүү мамлекеттик ишмерлер А.Масалиевдин, К.Базарбаевдин 90 жылдыктарына, Н.Исановдун 80 жылдыгына карата Кыргыз Республикасынын Президентинин Нарын облусундагы ыйгарым укуктуу өкүлүнүн Кубогуна арналган мамлекеттик жана жергиликтүү өз алдынча башкаруу органдарынын командаларынын ортосунда облустук мелдеш болуп өттү.

Аталган мелдешке облусубуздун бардык аймактарынан келген 19 команда катышып,1-орунду Нарын медициналык колледжи окутуучулар командасы, 2-орунду Рай ЦСМ, 3-орунду АППП КР ээлешти.

Мелдеш жогорку деңгээлде өтүп, жеңүүчүлөр жана мыкты оюнчулар Кыргыз Республикасынын Президентинин Нарын облусундагы ыйгарым укуктуу өкүлүнүн Кубогу, Мамлекеттик, муниципалдык мекемелердин жана коомдук тейлөө кызматкерлеринин профсоюзунун Нарын облустук комитетинин акчалай сыйлыктары, Нарын облустук дене тарбия жана спорт башкармалыгынын медаль, диплом, баалуу белектери менен сыйланышты.

ак