• Search for:
    15Окт, 2025
    Студенттер күнүнө карата жеңиш!

     

    17-ноябрда Эл аралык студенттер күнүнө карата Нарын Педагогикалык Колледжи тарабынан уюштурулган волейбол боюнча мелдеш болуп өттү.
    Бул мелдешке Нарын шаарындагы орто жана жогорку окуу жайлардын студент кыздары катышып, жалпы 6 команда күч сынашты.

    ✨ Нарын Педагогикалык Колледжинин командасы мыкты оюн көрсөтүп, 1-орунду ээледи!
    Ошондой эле, НМКнин 3-“М” тайпасынын студенти Турганбекова Гулзада — “Мыкты оюнчу” наамы менен сыйланды!

    Биз сыймыктанабыз!
    Жеңиштериңер дагы көп болсун, НМКнын кыздары!

    #НарынПедагогикалыкКолледжи #СтуденттерКүнү #Волейбол #НМК #Жеңиш #МыктыОюнчу #ГулзадаТурганбекова #Нарын #СтуденттерКүч #NPK #Volleyball #StudentDay

    11Окт, 2025
    Жаштардын ынтымагы — жеңиштин ачкычы!

    «Жаштардын ынтымагы — жеңиштин ачкычы!» ⚽️

    Кыргыз Республикасынын Президентинин №360 “Улуттук дем – дүйнөлүк бийиктик” концепциясынын жана Инсандын руханий, адеп-ахлактык өнүгүүсү менен дене тарбиясын өнүктүрүү боюнча жарлыктын алкагында Нарын медициналык колледжинин студенттери арасында футбол мелдеши өткөрүлдү.

    Бул иш-чаранын максаты — студенттерди спортко тартуу, сергек жашоо образын жайылтуу жана достук менен биримдикти бекемдөө болуп саналат.

    ⚽️ Жыйынтык төмөнкүдөй болду:
    1-орун — 4-ди тайпасы
    2-орун — 3-ди тайпасы
    3-орун — 2-ди тайпасы
    4-орун — 1-ди тайпасы

    Бардык катышуучуларга чоң ыраазычылык!
    Силердин жигердүүлүгүңөр жана командалык духуңар – чыныгы үлгү!

    #НарынМедКолледжи #СергекЖашоо #Футбол2025 #УлуттукДем #ЫнтымакЖеңиш

    23Сен, 2025
    “Мамлекеттик тил күнү – “Аруу тил, Асыл мурас”

    23-сентябрда Нарын медициналык колледжинде Мамлекеттик тил күнүнө арналган “Аруу тил – Асыл мурас” аттуу маданий-агартуу иш-чара болуп өттү.

    Иш-чара гимн менен ачылып, кыргыз элинин тарыхы, маданияты жана тилин даңазалаган обондуу ырлар, көркөм окуулар, сценкалар, комуз күүлөрү, монологдор жана “Ынтымак бийи” тартууланды. Бул кече студенттердин талантын ачып, тилге болгон сый-урматын дагы бир жолу айгинеледи .

    Ошондой эле иш-чаранын алкагында “Улут болсом – тилим менен улутмун” аттуу дил баян сынагы өткөрүлүп, мыктылар аныкталды:

    Жеңүүчүлөр:
    ✨ I-орун – Солдатбекова Кыял (1-ДИ тайпасы)
    ✨ II-орун – Темирова Жаңылай (1-МИ тайпасы)
    ✨ III-орун – Султанбекова Күлсүн (1-МИ тайпасы)

    Мамлекеттик тилди өнүктүрүүгө кошкон салымы үчүн:
    Ырыскелди кызы Айгүл (1-Фармация тайпасы)
    Абдыбекова Насима (1-АИ тайпасы)
    грамоталар менен сыйланышты .

    Бул кече эне тилдин кадыр-баркын даңазалап, студенттердин патриоттук сезимин ойготту жана ар бирибиз үчүн кыргыз тилин сактап, өнүктүрүү ыйык милдет экенин эскертти.

    26Апр, 2025
    Эрдик жана НМК сыймыгы

    Биздин сыймыгыбыз —

    Нарын медициналык колледжинин дене тарбия мугалими Абылабеков Эламан

    Кыргыз Республикасынын жеңил атлетика боюнча ачык чемпионатында эркектер арасында 10 000 метр аралыкта II орунду ээледи!

    Чыдамкайлык, мээнет, эрктүүлүк — Эламан агайдын чоң жетишкендигинин негизги сыры!

    Биз сиз менен сыймыктанабыз жана дагы көптөгөн жеңиштерди каалайбыз!

    Алга, Эламан агай! Алга, Нарын!

    #НарынМедКолледжи #ЖеңилАтлетика2025 #АбылабековЭламан

    #Сыймыгыбыз #АлгаКыргызстан

     

     

    25Апр, 2025
    Ишембилик

    НАРЫН МЕДИЦИНАЛЫК КОЛЛЕДЖИНДЕ ИШЕМБИЛИК ӨТКӨРҮЛДҮ

    Кечээ, 25-апрелде, Нарын медициналык колледжинде ишембилик өткөрүлдү. Иш-чарага эмгек жамааты жана студенттер активдүү катышышты.

    Колледждин кызматкерлери окуу жайдын айланасын тазалап, короону ирээтке келтиришти. Алар таштандыларды жыйнап, арыктарды тазалап, жашыл аянттарды тартипке салышты.

    Ал эми студенттер Ж. Акималиев атындагы сейил багында ишембилик өткөрүп, ал жерди ар түрдүү таштандылардан тазалашты. Жаштар экологиялык маданиятты жайылтуу максатында бул иш-чарага жигердүү катышышты.

    Бул иш-чара Кыргыз Республикасынын Президенти С. Н. Жапаровдун 2022-жылдын 6-сентябрындагы №305 Жарлыгынын негизинде – “Улуттук тазалык күнү жана 2023–2025-жылдарда тиричилик калдыктарын иштетүү боюнча иш-аракеттер планы”нын алкагында уюштурулду.

    #тазаНарын #ишембилик #Нарынмедколледж

     

    12Апр, 2025
    Миң уккандан бир көргөн

    Окуудагы жана коомдук иштердеги жетишкендиктери үчүн ыраазычылык билдирүү, шыктандыруу максатында борбор калаага саякаттоо уюштурулду.

    Сапардын алкагында:

    1. Медициналык билимимди улантам, дарыгер болом, деген студенттерибиз Кыргыз мамлекеттик медициналык академиясынын окуу шарттары, өзгөчөлүктөрү жана мүмкүнчүлүктөрү менен таанышышты. КММА учурдагы студенттери менен пикир алышышты.
    2. Кыргыз Республикасынын Жогорку Кеңешинин ишмердүүлүгүн жеринде көрүшүп, мыйзам долбоорун талкулоо боюнча сессияга катышуу мүмкүнчүлүгүнө ээ болушту.
    3. Ата-бабаларыбыздын баскан жолунан өрнөк алуу үчүн, Улуттук тарых музейине кирип чыгышты.

    Сапарыбыз жаңы маалыматтарга бай, жагымдуу сезимдерге мол болуп, окуш керек деген ой менен аяктады.

    Учурдан пайдаланып төмөндөгү инсандарга терең ыраазычылык билдиребиз!!!

    Маңыздуу маалыматтар менен коштолгон кызыктуу экскурсия уюштуруп берген @КММА жетекчилигине,

    Таласта элем, Тарых музейин көрсөтө кеткиле, балдарга таасирдүү болсун, деп каражатын которгон, ар дайым жакшы сөзүн айтып колдоп келген, биз сыйлаган агайыбыз @Мамбетасан Ибраевге

    Кабагым-кашым дебей, кайда айда десек айдап, каприздерибизге чыдап, эң башкысы аман-эсен алып барып келген Мирлан байкеге.

    ПС: Мындай иш-чараны салтка айлантып, жылда уюштуруу жагы каралууда.

    kirKY
    kirKY ru_RURU