• Найти:
    30Апр, 2024
    НМК САЯПКЕРЛИК КЫЛГАН ЖӨӨ КҮЛҮКТӨРДҮН МӨӨРӨЙҮ
    ‍♀️Бүгүн 2024-жылдын 30-апрель күнү “Нарын шаарынын туруктуулугун жогорлатуу” программасынын алкагында Нарын шаарындагы Ала-Тоо стадионунда Нарын шаардык дене тарбия жана спорт бөлүмү жана Нарын шаарынын балдар- өспүрүмдөрдүн спорттук мектеби тарабынан спорттун жеңил атлетикалык түрү өткөрүлдү.
    Бул спорттун түрүнө Нарын шаарындагы мекеме-ишканалардын кызматкерлери жогорку жана атайын орто окуу жайларынын студенттери, алардын ичинен Нарын медициналык колледжинин окутуучулары жана студенттери активдүү катышышып, алдынкы орундарды багындырышты.
    22-30 жаш курактагылардын арасынан Нарын медициналык колледжинин “Дене тарбия ” сабагынын окутуучусу Абылабеков Э. – 1-орунду,
    18-22 жаш курактагылардын арасынан НМКнын “1-ДИ(К)” тайпасынын студенти Мусабеков Эрмек – 2-орунду ээлесе,
    Ал эми кыздардын арасынан “1-ДИ(К)” тайпасынын студенти Улан кызы Алтынай – 3- орунду ээледи.
    Жеңил атлетикалык чуркоодо жаш курактарына жараша 1-2-3-орунду ээлеген спортчуларга Борбордук Азия Университетинин “Нарын шаарынын туруктуулугун жогорулатуу” программасынын демилгечилери тарабынан медаль, диплом жана баалуу сыйлыктар менен сыйланышты.

    27Апр, 2024
    “САЛАМАТ ЖҮРӨК” ДЕНИ САК НАРЫНДЫКТАР ҮЧҮН
    “САЛАМАТ ЖҮРӨК” ДЕНИ САК НАРЫНДЫКТАР ҮЧҮН
    Бүгүн 27-апрель күнү Нарын медициналык колледжинде адаттагыдан башкача жемиштүү күн болду. Анткени Кыргыз Республикасынын Саламаттыкты сактоо Министрлигининин алдындагы академик М.Миррахимов атындагы улуттук кардиология жана борборунун дарыгер адистери Нарын шаарына келишти.
    Алар “Ыкчам кардиология” программасынын алкагында (2023-2027жж) жүрө кан-тамыр ооруларын жана башка жугуштуу эмес оорулардын интеграцияланган алдын-алуу боюнча текшерүү (check up) модулун жүргүзүштү.
    Ошондой эле “Миррахимов окуусу” деп аталган Нарын аймагынынын дарыгерлери үчүн практикалык мүнөздөгү лекция өткөрүлдү. “Жүрөк оорулары менен ооругандар көп. Адатта жүрөгү ооруган адам аны байкабай калат, бир заматта көз жумган учур көп кездешет. Кыргызстанда калктын өлүм көрсөткүчүнүн 52%ын түзүү менен башкы себеп болуп эсептелет ”-деди
    Кыргыз Республикасынын башкы пульмонологу Талант Маратбекович Сооронбаев өз сөзүндө жергиликтүү элге жана дарыгерлерге кайрылуусунда. Келген адамдарга акысыз жалпы текшерүү, ЭКГ жана кандагы канттын курамын текшерүү өткөрүлүп, мындай кызматтарды көрсөтүүдө Нарын медициналык колледжинин студенттери көмөк көрсөтүштү.
    Аталган окуу НМКда эмгектенген дарыгер окутуучуларга да пайдалуу болду. “Саламат жүрөк” программасы жүрөк-кан тамыр оорулары боюнча алдыңкы көрсөткүчтөргө ээ тоолуу аймакта жашаган Нарын калкы үчүн оорунун алдын алуу жана дарылануу үчүн күмөнсүз өз жемишин бере алат деген ишенимде катышуучулар бул окуудан канааттануу менен кайтышты.
    Load More

    End of Content.

    26Апр, 2024
    САЛАМАТТЫК САКТООНУН САПАТЫ – ДЕН СООЛУК САКЧЫЛАРЫНЫН САБАГЫ

    Нарын медициналык колледжинде Медициналык билим берүүнү реформалоо (MER) долбоорунун колдоосу менен уюшулган тренингке 25-26-апрель күндөрү Нарын облустук бириктирилген ооруканасынын (НОБО) жана Нарын облустук үй-бүлөлүк медицина борборунун (НОҮМБ) 30 медайымы катышты.
    Тренингде Нарын медициналык колледжинин студенттеринин Клиникалык практикаларды өтүүдө алып баруучу насаатчыларды даярдоо улантылды.
    Жыйынтыгында 30 медайым сертификат алышты.
    Бул окуунун максаты: аталган медайымдар студенттик практикада насаатчы катары бекитилип, практикалык көндүмдөрүнүн эффекттивдүүлүгүн арттырып, жоопкерчиликтүү мамиле жогорулайт.
    Ошондой эле долбоордун координатору Нарын медициналык колледжинин пилоттук программасы боюнча окуп жаткан “Медициналык айым” адистигинин 1- курсунун студенттерине долбоор тууралуу кеңири маалымат менен бөлүшүп, алардын суроолоруна жооп берип өттү.

    Все ре
    25Апр, 2024
    АЧЫК ЭШИКТЕР КҮНҮ: ТАНДАЛГАН КЕСИП – ТААЛАЙГА ЭШИК
    2024-жылдын 18-апрель ден – 25-апрельге чейинки аралыкта Нарын медициналык колледжинде ачык эшиктер күндөрүн өткөрүү белгиленген.
    Бул убакыт аралыгында Нарын шаарындагы орто мектептердин 11-класстарынын окуучулары класс жетекчилери менен келип, окуу жай менен жакындан таанышышты.
    Экскурсия убагында мектеп бүтүрүүчүлөрү окуу жайдын материалдык-техникалык базасы менен кенен таанышып, кесипке багыт берүү максатында окуу жайдагы адистиктер, окуу мөөнөтү тууралуу кенири маалымат алалышты.
    Экскурсия убагында окуучуларга окуу жайдын студенттери тарабынан бир нече манипуляциялардан мастер класстар көргөзүлдү.
    Мисалы: Кычкылтек концентраторун колдонуунун техникасы, пульсоксиметрия, кандын топторун, кандагы кантты, дене салмагынын индексин аныктоо ыкмалары, кан басымды өлчөө, десмургия жана инъекциялардын түрлөрү.
    Ар бир экскурсиянын жыйынтыгында мектеп бүтүрүүчүлөрү жана окутуучулары окуу жайга болгон жакшы ойлорун интервью аркылуу айтышып, баардык суроолоруна жооп алып кетип жатышты.
    Окуу жайга болгон экскурсиянын жыйынтыгында мектеп бүтүрүүчүлөрү үчүн кесип тандоодо ,өзгөчө медицина кызматкери болсом деген окуучуларды шыктандырды деген ойдобуз.
    12Апр, 2024
    КАЗАКСТАН КАЛААСЫНАН ЛАБОРАНТТЫН ДААНАСЫ БАЙГЕ МЕНЕН.
    Казакстан Республикасындагы “Талдыкоргон жогорку медициналык колледжи” тарабынан уюштурулган эл аралык олимпиадада Нарын медициналык колледжинин “Лабораториялык диагностика” бөлүмүнүн 3- курсунун студенттери Акылбек к Акак 3-орунду жана Камчыбекова Элнура “Клиникалык лабораториялык изилдөөлөрдүн ыкмалары” сабагынан жогорку көрсөткүч көрсөткөндүгү үчүн сертификатка ээ болушту.
    Аталган олимпиада 2024-жылдын 11- апрелинде Казакстан Республикасындагы “Талдыкоргон жогорку медициналык колледжи” тарабынан “Техникалык жана кесиптик билим берүү уюмдарынын студенттер арасында “Лабораториялык диагностика” бөлүмү боюнча өткөрүлдү.
    Олимпиадага Казакстан Республикасындагы жогорку медициналык колледждери жана Кыргызстандан Республикасынан Нарын медициналык колледжи жана Бишкек медициналык колледждери катышып, жалпы 15 студент олимпиадада ат салышты.
    Бул олимпиада 2 этапта өткөрүлдү.
    Биринчи этап “Гигиена” жана” Биохимия” сабактарынан тесттик суроолорго жооп беришти. Экинчи этапта “Микробиология ” жана “КЛИЫ” сабактарынан практикалык көндүмдөрүн көрсөтүштү.
    Ошондой эле НМКнын “Лабораториялык диагностика “адистигинин окутуучулары С.М. Баялиева жана Г. Т. Турарбекова жетектеп барышып, «ЭҢ МЫКТЫ ЛАБОРАНТ» аттуу эл аралык олимпиадасына активдүү катышкандыгы жана билим берүү тармагынын өнүгүшүнө салым кошкондугу үчүн “Ыраазычылык катка” ээ болушту.
    Урматтуу Нарын медициналык колледжинин окутуучулары жана “Лабораториялык кошуундун” окутуучулары Сиздерге терең ыраазычылык билдиребиз!
    Жеңишке сиздердин салымыныздар чоң, студенттерге билим берген Сиздер, демек Сидердин эмгегинер жерде калбай мөмө берди деп айтсак жаңылышпайбыз.
    Мындан ары дагы ишиниздер жыйынтыгын берип, ийгиликтерге жетишиниздерге тилектешпиз.👏👏👏
    Нарын медициналык колледжи
    ru_RURussian
    ru_RURussian kirKyrgyz