МЕДИЦИНАЛЫК БИЛИМ БЕРҮҮНҮН ЗАМАНБАП ТЕНДЕНЦИЯЛАРЫ ЖАНА КЕЛЕЧЕГИ

2026-жылдын 6-октябрында Нарын медициналык колледжинин 80 жылдык мааракесинин алкагында «Орто медициналык билим берүүнү өнүктүрүүнүн заманбап тенденциялары жана келечеги: сапат, инновациялар, эл аралык кызматташтык» аттуу эл аралык форум өткөрүлдү.

Форум Кыргызстан, Казакстан, Өзбекстан жана Азербайжандын медициналык билим берүү уюмдарынын өкүлдөрүн бириктирип, тажрыйба алмашууга жана кесиптик кызматташтыкты бекемдөөгө шарт түздү.

Форумда эки негизги багыт каралды:

🔹 ОСКЭ — медициналык билим берүүдө кесиптик компетенцияларды объективдүү баалоонун заманбап ыкмасы. Бул багытта Мамытбекова Г. И. объективдүү структураланган клиникалык экзамендин мааниси тууралуу баяндама жасады.

🔹 Медициналык билим берүүнүн сапатын камсыз кылууда сапат менеджментинин ролу. Бокоев Н. Т. Нарын медициналык колледжинде сапат менеджменти системасын калыптандыруу тажрыйбасын тааныштырды.

Катышуучулар студенттердин кесиптик компетенцияларын баалоонун заманбап ыкмаларын, билим берүү процессин өркүндөтүүнү жана келечектеги медициналык адистерди даярдоонун сапатын жогорулатуу маселелерин талкуулашты.

Форумдун жыйынтыгында резолюция кабыл алынып, орто медициналык билим берүүнү мындан ары өнүктүрүүгө багытталган сунуштар белгиленди.

Эл аралык тажрыйба алмашуу жана өнөктөштүктү бекемдөө колледждин 80 жылдык мааракесинин маанилүү бөлүгү болду.

80 жылдык салт — медициналык билим берүүнүн жаңы келечеги!

#НарынМедициналыкКолледжи #80ЖылдыкМаараке #ЭлАралыкФорум #МедициналыкБилимБерүү #ОСКЭ #СапатМенеджменти #ЭлАралыкКызматташтык

Нарын шаарында орто медициналык билим берүүнү өнүктүрүү маселелери талкууланды

2026-жылдын 5–6-октябрында Нарын медициналык колледжинин 80 жылдык мааракесинин алкагында Кыргыз Республикасында орто медициналык билим берүүнүн көйгөйлөрүнө жана келечегине арналган тегерек стол өткөрүлдү.

Тегерек столдун темасы: «Кыргыз Республикасындагы орто медициналык билим берүүнүн көйгөйлөрү жана келечеги: сестралык ишти реформалоонун натыйжаларын башка медициналык адистиктерге жайылтуу жана билим берүүнүн сапатын жогорулатуу».

Талкуунун жүрүшүндө орто медициналык адистерди даярдоонун сапатын жогорулатуу, медайымдык ишти реформалоонун натыйжалуу тажрыйбаларын башка медициналык адистиктерге жайылтуу, дипломдон кийинки билим берүүнүн уланмалуулугун камсыз кылуу жана медициналык колледждердин материалдык-техникалык базасын чыңдоо маселелери каралды.

Катышуучулар заманбап медициналык адистердин кесиптик билими жана практикалык көндүмдөрү менен катар коммуникация, сынчыл ой жүгүртүү, командада иштөө, санариптик сабаттуулук жана кесиптик этика сыяктуу компетенцияларга ээ болушунун маанилүүлүгүн белгилешти.

Тегерек столдун жыйынтыгында төмөнкү багыттар боюнча сунуштар жана чечимдер кабыл алынды:

* Медайымдык ишти реформалоонун натыйжаларын системалаштыруу жана башка медициналык адистиктерге жайылтуу;
* Орто медициналык адистерди даярдоонун сапатын жогорулатуу;
* Дипломдон кийинки билим берүү системасын өркүндөтүү, мурда алынган билимдерди, кредиттерди жана компетенцияларды таануу;
* Үй-бүлөлүк медицина үчүн орто медициналык адистерди даярдоо жана аларды ишке кабыл алуу маселелерин өркүндөтүү;
* Медициналык колледждердин материалдык-техникалык базасын чыңдоо;
* Медициналык колледждер менен саламаттык сактоо уюмдарынын кызматташтыгын күчөтүү;
* Мамлекеттик аккредитациянын талаптарына жооп берген алдыңкы медициналык адистиктердин базасында прикладдык бакалавриат программасын киргизүү мүмкүнчүлүгүн кароо;
* Нормативдик-укуктук базаны өркүндөтүү.

Ошондой эле бүтүрүүчүлөргө диплом берүү маселесин кароо боюнча Кыргыз Республикасынын Саламаттык сактоо министрлигине сунуш киргизүү чечими кабыл алынды.

Тегерек столдун күтүлгөн натыйжаларынын бири — 2026–2030-жылдарга карата орто медициналык билим берүүнү өнүктүрүүнүн жол картасын иштеп чыгуу.

Тегерек столдо айтылган сунуштар жана кабыл алынган чечимдер Кыргыз Республикасында орто медициналык билим берүүнүн сапатын жогорулатууга, билим берүү менен практикалык саламаттык сактоонун ортосундагы байланышты чыңдоого жана квалификациялуу медициналык кадрларды даярдоону өнүктүрүүгө багытталган.

#ОртоМедициналыкБилимБерүү #НарынМедициналыкКолледжи #80ЖылдыкМаараке #МедициналыкБилимБерүү #СаламаттыкСактоо

МААРАКЕНИН АЛГАЧКЫ КҮНҮ

Нарын медициналык колледжинин 80 жылдык мааракесине арналган иш-чаралардын алгачкы күнү өзгөчө маанайда башталды! 💐

Бул күндө биз Кыргыз Республикасынын медициналык колледждеринин жетекчилерин жана өкүлдөрүн, Кыргыз Республикасынын Саламаттык сактоо министрлигинин өкүлдөрүн, ошондой эле коңшу мамлекеттерден келген ардактуу конокторду тосуп алдык.

Мааракеге Казакстандын Талдыкорган жогорку медициналык колледжинин жана Өзбекстандын Наманган облусундагы Абу Али ибн Сина атындагы медициналык техникумдун өкүлдөрү да катышты.

Мындан тышкары, колледжибиздин өнүгүшүнө өз салымын кошкон ардагерлери-биз, ардактуу бүтүрүүчүлөрүбүз жана социалдык өнөктөштөрүбүз да мааракебиздин кадырлуу конокторунан болушту. ❤️

Коноктор үчүн колледждин материалдык-техникалык базасы менен тааныштыруу экскурсиясы уюштурулду. Алар окуу кабинеттерин, практикалык даярдык үчүн түзүлгөн шарттарды жана билим берүү процессинде колдонулуп жаткан жабдууларды көрүп, колледжибиздин бүгүнкү ишмердүүлүгү менен таанышышты.

Албетте, кыргыз элинин меймандостук салтын улап, конокторубузга даам сунулуп, жылуу баарлашуу болду. ☕️

Бул — 80 жылдык тарыхыбызды эскерүү, эмгеги сиңген инсандарга урмат көрсөтүү жана медициналык билим берүү тармагындагы кызматташтыкты бекемдөө жолундагы маанилүү башталыш.

✨ Ал эми мааракебиздин алгачкы күнүндөгү жолугушуулардын жана иш-чаралардын уландысы тууралуу кийинки жарыялоолорубуздан кабардар болуңуздар!

#НМК80Жыл #НарынМедициналыкКолледжи #80ЖылдыкМаараке #МедициналыкБилимБерүү #ЭлАралыкКызматташтык #НМК