Окуудагы жана коомдук иштердеги жетишкендиктери үчүн ыраазычылык билдирүү, шыктандыруу максатында борбор калаага саякаттоо уюштурулду.

Сапардын алкагында:

1. Медициналык билимимди улантам, дарыгер болом, деген студенттерибиз Кыргыз мамлекеттик медициналык академиясынын окуу шарттары, өзгөчөлүктөрү жана мүмкүнчүлүктөрү менен таанышышты. КММА учурдагы студенттери менен пикир алышышты.
2. Кыргыз Республикасынын Жогорку Кеңешинин ишмердүүлүгүн жеринде көрүшүп, мыйзам долбоорун талкулоо боюнча сессияга катышуу мүмкүнчүлүгүнө ээ болушту.
3. Ата-бабаларыбыздын баскан жолунан өрнөк алуу үчүн, Улуттук тарых музейине кирип чыгышты.

Сапарыбыз жаңы маалыматтарга бай, жагымдуу сезимдерге мол болуп, окуш керек деген ой менен аяктады.

Учурдан пайдаланып төмөндөгү инсандарга терең ыраазычылык билдиребиз!!!

Маңыздуу маалыматтар менен коштолгон кызыктуу экскурсия уюштуруп берген @КММА жетекчилигине,

Таласта элем, Тарых музейин көрсөтө кеткиле, балдарга таасирдүү болсун, деп каражатын которгон, ар дайым жакшы сөзүн айтып колдоп келген, биз сыйлаган агайыбыз @Мамбетасан Ибраевге

Кабагым-кашым дебей, кайда айда десек айдап, каприздерибизге чыдап, эң башкысы аман-эсен алып барып келген Мирлан байкеге.

ПС: Мындай иш-чараны салтка айлантып, жылда уюштуруу жагы каралууда.

Бүткүл дүйнөлүк ден соолук күнү 2025

Бүгүн, 7-апрелде, Нарын медициналык колледжинде Бүткүл дүйнөлүк ден соолук күнү белгиленди. Бардык тайпалардын кураторлору студенттер менен ден соолук, ооруулардын алдын алуу жана дене тарбиясы тууралуу класстык сааттарын өткөрүштү.

Студенттер ден соолукту сактоонун, туура тамактануунун, спорт менен машыгуунун жана психологиялык ден соолукту чыңдоонун маанисин талкуулашты.

Биздин студенттер ал алган билимин келечектеги кесибинде жана күнүмдүк турмушунда колдонуп, ден соолукка кам көрө аларына ишенебиз!

#БүткүлДүйнөлүкДенСоолукКүни #ДенСоолук #НарынМедициналыкКолледжи #СаламатБол

Бүгүн Нарын облустук С. Орозбаков атындагы китепканасында кыргыз адабиятынын классик акыны Алыкул Осмоновдун 110 жылдыгына арналган “Эмне? Кайда? Качан?” адабий-интеллектуалдык таймашы өттү. Иш-чаранын максаты – улуу акындын адабий мурасын жайылтуу, анын чыгармачылыгына болгон кызыгууну арттыруу жана жаштарды көркөм адабиятка жакындатуу болду.

Биздин Нарын медициналык колледжинин (НМК) командасы бул таймашка чоң даярдык жана жогорку деңгээлдеги билим потенциалы менен катышты. Студенттер акындын өмүр жолу, чыгармачылыгы, анын чыгармалары жана алган сыйлыктары боюнча берилген суроолорго так жана ыкчам жооп берип, интеллектуалдык дареметин далилдешти. Айрыкча, биздин команда кээ бир учурларда атаандаш команда жооп бере албаган суроолорго туура жооп берип, өз билимин жана тапкычтыгын көрсөтүп жатты.

Жыйынтыгында НМК командасы жеңишке жетишип, I даражадагы диплом менен сыйланып, шыктандыруучу мазмундагы китеп менен сыйланды. Бул биздин студенттердин билими, аракетчилдиги жана көркөм адабиятка болгон кызыгуусунун дагы бир далили. Алар өздөрүнүн жигердүүлүгү, так жана бачым жооптору менен таймаштын өзгөчөлөнгөн жылдыздары болушту.

Биздин жеңүүчүлөрдү кезектеги ийгилиги менен куттуктайбыз! Сиздердин эмгекчилдигиңиздер жана билимиңиздер НМКнын атын дагы бир жолу даңазалады!

#НарынМедКолледжи #АлыкулОсмонов110жыл #АдабийТаймаш #Жеңиш #БизСыймыктанабыз