• Найти:
    3Апр, 2023

    2022- окуу жылынан баштап “Окинава-Нарын” проектисинин келишиминин негизинде Relationship компаниясынын өкүлү Абакиров Асхат Таалайбекович тарабынан Нарын медициналык колледжинин 3-курстун студенттери менен биргеликте япон тилинде офлайн форматта сабактар өтүлүүдө.

    Ошондой эле 2023-жылдын 24-мартында Кыргыз Республикасындагы Япониянын элчисинин кеңешчиси Соичиро Окава мырза келип, “Japan day ” аттуу добулбасчыларынын концерти М.Рыскулов атындагы Нарын облустук академиялык музыкалык драма театрында коюлду.

     

    27Мар, 2023
    КОРЕЯ ЭЛ АРАЛЫК КЫЗМАТТАШУУ АГЕНТТИГИНИН (KOICA) ӨКҮЛДӨРҮ НАРЫН МЕДИЦИНАЛЫК КОЛЛЕДЖИНДЕ

    КОРЕЯ ЭЛ АРАЛЫК КЫЗМАТТАШУУ АГЕНТТИГИНИН (KOICA) ӨКҮЛДӨРҮ НАРЫН МЕДИЦИНАЛЫК КОЛЛЕДЖИНДЕ

     

    Бүгүн 2023-жылдын 23-мартында Нарын медициналык колледжине Корея Эл аралык кызматташтык агенттигинин (KOICA) жетекчиси Ли Джонгсу, волонтердук программанын координатору Квон Хери жана менеджери Айзат Кыдыкбекова волонтердук иштердин ишмердүүлүгү боюнча жолугушууга келишти.

     

    Буга чейин Нарын медициналык колледжине 2023- жылдын 17-январында КOICA Эл аралык уюму тарабынан “Медициналык иш” багытында волонтердук милдетти аткаруу үчүн Сонг Хеюн айым келген.

     

    Нарын медициналык колледжинин директору Т.Б.Арпачиева келген конокторду жылуу тосуп алып, кызматташуунун мындан аркы кадамдарын талкуулашты.

     

    Расмий жолугушуудан кийин конокторго волонтер Сонг Хеюндун колледжде алып барып жаткан иштери тууралуу видеоролик көрсөтүлүп, андан соң колледждин материалдык-техникалык базасы менен таанышып чыгышты.

     

    Ли Джонгсу мырза KOICA ыктыярчыларына көрсөткөн колдоосу жана тыгыз иштешүүсү үчүн Нарын медициналык колледжинин жетекчисине жана эмгек жамаатына ыраазычылык билдирди.

     

     

     

     

     

     

     

    17Дек, 2022
    ЭЛ АРАЛЫК КЫЗМАТТАШУУ: НАРЫН МЕДИЦИНАЛЫК КОЛЛЕДЖИ -КОРЕЯ ( KOICA)

    ЭЛ АРАЛЫК КЫЗМАТТАШУУ:
    НАРЫН МЕДИЦИНАЛЫК КОЛЛЕДЖИ -КОРЕЯ ( KOICA)

    Кыргыз Республикасындагы Корея Эл аралык кызматташтык (KOICA) агенттигинин өкүлчүлүгү Нарын медициналык окуу жайы менен кызматташкандыгы үчүн терең ыраазычылык билдирүү менен төмөндөгүлөрдү билдирет:

    2014-жылдын 5-июнундагы Кыргыз Респуликасынын өкүлчүлүгү жана Корея Республикасынын өкүлчүлүгү
    ортосундагы “Кайтарымсыз жардам көрсөтүүнүн алкагындагы” келишимди иш жүзүнө ашыруу максатында KOICA Эл аралык уюмунун өкүлчүлүгү КР 2022-жылдын 5-декабрында Нарын медициналык колледжине “Медициналык иш” багытында ыктыярчылык милдетти аткаруу үчүн Сонг Хеюн айым жиберилет.

    KOICA Эл аралык агенттиги Кыргыз Республикасына кызматташтык көрсөткөндүгү үчүн терең ыраазычылык билдирет.

    Азыркы учурда ыктыярчы Сонг Хеюн айым Бишкек шаарында КР тилин, маданиятын, үрп -адатын, каада-салтын үйрөнүп, адаптация мезгилин өтүүдө .

    18Ноя, 2022
    МЕДИЦИНАЛЫК КОЛЛЕДЖИНИН СТУДЕНТТЕРИ ГЕРМАНИЯ ӨЛКӨСҮНДӨГҮ СТЕЙКХОЛДЕРЛЕР МЕНЕН ЖОЛУГУШТУ.

    МЕДИЦИНАЛЫК КОЛЛЕДЖИНИН СТУДЕНТТЕРИ ГЕРМАНИЯ ӨЛКӨСҮНДӨГҮ СТЕЙКХОЛДЕРЛЕР МЕНЕН ЖОЛУГУШТУ.

    Жолугушуунун расмий бөлүгүн Нарын медициналык колледжинин директору
    Т.Б. Арпчиева ачып, жаштардын келечегине кайдыгер карабай келип жаткан жумуш берүүчүлөргө ыраазычылык билдирди. «Окуу жай замандын агымы менен жаш адистерди даярдап, өлкөнүн өнүгүүсүнө салым кошуп келет. Биздин бүтүрүүчүлөр өлкөнүн бардык аймактарында жана чет өлкөлөрдө алган билиминин негизинде эмгектенишүүдө. Кесипкөй адистерди даярдоо максатында окуу жайда материалдык-техникалык база чыңдалып, шарттар түзүлгөн», – деди колледждин жетекчиси.

    Андан соң колледждин жыйындар залында Германия өлкөсүндөгү Арбайтер- Самаритер-Брунд жана ЕДУВИЗО компаниясынын өкүлдөрү студенттер менен жолугушту.
    Жолугушууда жумушка орношуунун шарттары, талаптары, окуу жөнүндө кеңири маалымат беришип, иш берүүчү тарабынан жумушка кабыл алына тургандыктары айтылды.

    Жыйын студенттер менен иш берүүчүнүн ортосунда байланышты күчөтүп тиешелүү маалыматтарды студенттерге жеткирүү максатында уюштурулду.

    21Сен, 2022
    Бүгүнкү күндө Нарын медициналык колледжи бүтүрүүчүлөрдү чет өлкөгө жумуш менен камсыз кылуу мүмкүнчүлүктөрдү түзүп келе жатат.

    НАРЫН МЕДИЦИНАЛЫК КОЛЛЕДЖИ БҮТҮРҮҮЧҮЛӨРДҮ ЧЕТ ӨЛКӨГӨ ЖУМУШ МЕНЕН КАМСЫЗ КЫЛУУ ИШИН УЛАНТУУДА.

    Келечектен көптү үмүттөндүргөн биздин жаштар жөнүндө кам көрүү, алар үчүн бардык шарттарды түзүп берүү, терең билим берип, аларды өзү тандаган кесиптердин ээси болууга үндөө Нарын медициналык колледжинин үчүн эң негизги милдеттеринин бири болуп саналат.

    Бүгүнкү күндө Нарын медициналык колледжи бүтүрүүчүлөрдү чет өлкөгө жумуш менен камсыз кылуу мүмкүнчүлүктөрдү түзүп келе жатат.

    (21.09.2022-ж)Япония өлкөсүнө студенттерди жумуш менен камсыздоо максатында “Okinawa relationship” компаниясы менен түзүлгөн келишимдин негизинде, колледждин 2021-2022-окуу жылынын бүтүрүүчүлөрү 2 студент кызыбыз Япония өлкөсүндөгү Окинава шаарында 3 ай стажировкадан өтүп келишти.

    Ошондой эле Нарын медициналык колледжинин жыйындар залында аталган компаниянын Кыргызстандагы өкүлү Аскат Абакиров колледждин студенттери менен жолугушуп, ийгиликке жетүү үчүн эмне керек, кайсы сапаттарды өрчүтүү керек экендиги тууралуу кеңештерин берип жана бүтүрүүчүлөрдү жумуш менен камсыз кылуу боюнча сүйлөшүүлөр жүрдү.

    20Сен, 2022
    Германия өлкөсүндөгү ЕДУВИЗО компаниясынын жетекчиси Торсттен Свобода жана Кыргызстандагы өкүлү Ботбаева Айганыш Нарын медициналык колледжинин студенттери менен жолугушуу өткөрүштү.

    (20.09.2022) Бүгүн Германия өлкөсүндөгү ЕДУВИЗО компаниясынын жетекчиси Торсттен Свобода жана Кыргызстандагы өкүлү
    Ботбаева Айганыш Нарын медициналык колледжинин жыйындар залында “Медайымдык иш” тайпаларынын студенттери менен жолугушуу өткөрүштү.

    Бул жолугушууда ЕДУВИЗО компаниясынын өкүлдөрү өзүлөрүнүн шарттары менен тааныштырып, андан соң колледжден 3жыл немец тилин үйрөнүп, В2 баскычындагы сертификат ээ болгон бүтүрүүчүлөрду жумуш менен камсыз кылуу боюнча сүйлөшүүлөр жүрдү.

    Соңунда немец тилин окуп, Германияга барып иштейбиз деген студенттер менен эки тараптуу келишимдер түзүлдү.

    ru_RURU
    ru_RURU kirKY