• Найти:
    18Ноя, 2025
    Дүйнөлүк студенттер күнү

    Бүткүл дүйнөлүк студенттер күнүнө карата Нарын медициналык колледжинде өзгөчө майрамдык иш-чара өттү!

    Быйылкы майрамды биз Оскар стилинде уюштурдук. Ар бир студент белгилүү кино же мультфильм каарманынын образында келип, колледж чыныгы киностудияга айланды!

    ️ Иш-чаранын жүрүшүндө кызыктуу викториналар өткөрүлүп, катышуучулар фильмди үнүнөн, музыкасынын же фрагментинен таанып табышты. Жеңүүчүлөргө атайын белектер тапшырылды.

    Ошондой эле “Эң мыкты каарман”, “Эң мыкты прическа”, “Эң мыкты костюм” жана башка бир катар кызыктуу номинациялар боюнча да жеңүүчүлөр аныкталды.

    Майрамдын башталышы өзгөчө маанилүү болду — 3-курс студенттери салттуу символикалык ачкыч менен символикалык сынак китепчени 1-курс студенттерине тапшырды. Бул — муундан муунга билим, дем жана студенттик рухтун өтүшүн билдирген салт.

    Иш-чараны жогорку деңгээлде даярдап, алып барган 3МИ (контракт) Б жана 3МИ (бюджет) тайпаларына чоң ыраазычылык! Алардын чыгармачылыгы менен аракетинин аркасында бүгүнкү күн өзгөчө атмосферада өттү.

    Бүгүнкү күн — студенттик жылдардын кайталангыс, жаркын эскерүүлөрүнүн дагы бири болуп калды!

    Студенттер күнүңүздөр менен!

    #СтуденттерКүнү
    #НМК
    #НарынМедКолледжи
    #ОскарСтили
    #СтуденттикӨмүр
    #КреативдүүСтуденттер
    #БүгүнкүИшЧара
    #Жаштар
    #CollegeLifeKG
    #Нарын
    #БилимЖолу

    https://youtube.com/shorts/zTxfC16WhgI?si=sl_WXGKmyKj_QGkc

    13Ноя, 2025
    Улуттун улуу жолу

    7-ноябрь – Ата-бабаларды эскерүү күнүнө карата Нарын медициналык колледжинде 2-курстар арасында “Улуттун улуу жолу” аттуу тарыхый конкурс өткөрүлдү.

    Иш-чара Кыргыз Республикасынын Президентинин “Улуттук дем – дүйнөлүк бийиктик уңгу жолу” жана “Азыркы Кыргыз мамлекеттүүлүгүн түптөгөн аталар” жөнүндөгү жарлыктарынын алкагында, ошондой эле НМКнын 80 жылдык мааракесине байланыштырылып уюштурулду.

    Бул конкурс — тарыхыбызды терең билүүгө, улуттук баалуулуктарды даңазалоого жана мекенге болгон сүйүүнү күчөтүүгө багытталган.

    Конкурстун максаты:
    • студенттердин тарыхый аң-сезимин өстүрүү;
    • улуттук баалуулуктарды даңазалоо;
    • мекенчилдик сезимин күчөтүү;
    • ата-бабалардын мамлекеттүүлүк үчүн жасаган эрдиктерине болгон урмат-сыйды арттыруу;
    • жаш муунду патриоттуулукка, биримдикке жана ыйманга тарбиялоо.

    Студенттер төмөнкү багыттар боюнча өз билимин сынашты:
    • Кыргызстан тарыхы жана Нарын медициналык колледжинин тарыхы
    • Кара Кыргыз автономиялуу облусунун тарыхы
    • Адабият өкүлдөрү
    • Чыгаан инсандар
    • Манас эпосу

    Иш-чара жогорку деңгээлде өтүп, катышуучулар тарыхый билимин, таланты менен жигердүүлүгүн көрсөтө алышты.

    #НМК
    #НарынМедКолледжи
    #АтаБабалардыЭскерүүКүнү
    #УлуттунУлууЖолу
    #ТарыхыйКонкурс
    #нмк80жылдыкмаараке
    #УлуттукБаалуулуктар
    #ПатриоттукТарбия
    #КыргызТарыхы
    #МанасЭпосы
    #ЖаштарИшмердүүлүгү
    #БилимЖанаТарбия

    https://youtube.com/shorts/FX0Ewn6woiA?si=qpINQjcd0-8RN8Y6

    17Окт, 2025
    Театр студиясы — Нарын медициналык колледжинин сыймыгы!

    2018-жылдан бери биздин студенттер сахна аркылуу коомго терең ой салган, маанилүү социалдык темаларды чагылдырып келишет.
    Ар бир спектакль — бул жаштардын сезимин, жүрөгүн жана үнүн камтыган тирүү сабак, турмуштук тажрыйба.

    Жакында театр студиябыз “Биз зомбулукка каршыбыз!” аттуу спектакль менен М. Рыскулов атындагы Нарын облустук академиялык музыкалуу драма театрында чоң сахнага чыкты.
    Эки күн бою, ар күнү эки сеанс менен көрсөтүлгөн бул чыгарма Нарын шаарынын мектеп окуучулары менен студенттерине терең таасир калтырды.

    Спектаклдин негизги мазмуну — бүгүнкү коомдогу эң оор жана актуалдуу көйгөйлөр:
    үй-бүлөлүк жана коомдук зордук-зомбулук, миграциянын кесепеттери, рэкетчилик, суицид жана кайдыгерлик.

    Сценарийдин автору — милициянын полковниги, учурда Президенттин Чүй облусундагы ыйгарым укуктуу өкүлү Канат Жумагазиев.
    Анын демилгесин Нарын облустук Ички иштер башкармалыгы колдоого алып, бул сахналык чыгарманы элге тартуулады.

    Ал эми театр студиясынын жетекчиси — Темирканова Бактыгүл Асанбековна, Нарын медициналык колледжинин тарбия иштери боюнча директордун орун басары.
    Анын демилгеси жана жетекчилиги астында студенттер сахнада чыныгы профессионалдардай өнөр көрсөтүшүп, зордук-зомбулуктун кесепеттерин жүрөктөн чыккан эмоция менен чагылдырды.

    Бул спектакль — жаштардын кайдыгер эместигинин, ак ниеттиктин жана оң өзгөрүүлөргө чакырыктын символу болду.

    Нарын медициналык колледжинин театр студиясы бүгүн чыгармачылыктын гана эмес, адамдык тарбиянын да мектеби.
    Бул жерде ар бир студент сахна аркылуу боорукердикти, жоопкерчиликти жана адам тагдырына кайдыгер болбоону үйрөнөт.

    Жакынкы убакта спектакль Жумгал, Кочкор, Ак-Талаа, Ат-Башы райондорунда жана Балыкчы шаарында да көрсөтүлөт.
    Иш-чаранын уюштурулушун жана чыгымдарын Нарын ОИИБ колго алган.

    Биз — зомбулукка каршыбыз!
    Биз — жакшы келечек үчүнбүз!
    Нарын медициналык колледжи — жаштардын үнү, таланттын очогу, жакшылыктын жарчысы!

    ⸻

    #БизЗомбулуккаКаршыбыз #НарынМедКолледжи #ТеатрСтудиясы #ЖашТаланттар #НарынОИИБ #БактыгүлТемирканова #КоомдукТарбия #ЖаштарҮнү #ТарбияЖанаТалант #Нарын

    23Сен, 2025
    “Мамлекеттик тил күнү – “Аруу тил, Асыл мурас”

    23-сентябрда Нарын медициналык колледжинде Мамлекеттик тил күнүнө арналган “Аруу тил – Асыл мурас” аттуу маданий-агартуу иш-чара болуп өттү.

    Иш-чара гимн менен ачылып, кыргыз элинин тарыхы, маданияты жана тилин даңазалаган обондуу ырлар, көркөм окуулар, сценкалар, комуз күүлөрү, монологдор жана “Ынтымак бийи” тартууланды. Бул кече студенттердин талантын ачып, тилге болгон сый-урматын дагы бир жолу айгинеледи .

    Ошондой эле иш-чаранын алкагында “Улут болсом – тилим менен улутмун” аттуу дил баян сынагы өткөрүлүп, мыктылар аныкталды:

    Жеңүүчүлөр:
    ✨ I-орун – Солдатбекова Кыял (1-ДИ тайпасы)
    ✨ II-орун – Темирова Жаңылай (1-МИ тайпасы)
    ✨ III-орун – Султанбекова Күлсүн (1-МИ тайпасы)

    Мамлекеттик тилди өнүктүрүүгө кошкон салымы үчүн:
    Ырыскелди кызы Айгүл (1-Фармация тайпасы)
    Абдыбекова Насима (1-АИ тайпасы)
    грамоталар менен сыйланышты .

    Бул кече эне тилдин кадыр-баркын даңазалап, студенттердин патриоттук сезимин ойготту жана ар бирибиз үчүн кыргыз тилин сактап, өнүктүрүү ыйык милдет экенин эскертти.

    15Мар, 2025
    Айлананын тазалыгы – ден соолук булагы!

    НАРЫН МЕДИЦИНАЛЫК КОЛЛЕДЖИНИН КЫЗМАТКЕРЛЕРИ ИШЕМБИЛИККЕ ЧЫКТЫ

    Бүгүн, 15-мартта, Нарын медициналык колледжинин эмгек жамааты жалпы ишембиликке катышты. Иш-чаранын алкагында колледждин кызматкерлери Ж. Акималиев атындагы сейил бакта жана окуу жайдын аймагында тазалоо иштерин жүргүзүштү. Алар кургак жалбырактарды жана таштандыларды жыйнап, арыктарды тазалап, айлана-чөйрөнү иретке келтиришти.

    Бул ишембилик Кыргыз Республикасынын Президенти С.Н. Жапаровдун 2022-жылдын 6-сентябрындагы №305 “Улуттук тазалык күнү жана 2023-2025-жылдар мезгилинде тиричилик калдыктарын иштетүү боюнча натыйжалуу инфраструктураны түзүү боюнча иш-аракеттер планы жөнүндө” Жарлыгынын негизинде өткөрүлдү.

    #тазаНарын #ишембилик #Нарынмедколледж

    ru_RURussian
    ru_RURussian kirKyrgyz