(03.11.2022) Нарын медициналык колледжинин жыйындар залында “Көптүк тандоодо тексттик тапшырмаларды иштеп чыгуу” жана “Клиникалык насаатчыларды даярдоо” аталыштагы 2күндүк тренинг өтүлүп жатат.
Тренингке Нарын медициналык колледжинин администрация тобу, окутуучулар жана клиникалык насаатчылар катышты.
Тренингдин максаты-окутуучуларга студенттердин билимин баалоодо тесттик тапшырмаларды сабаттуу түзүүдө жардам көрсөтүү.

Катышуучулар бүгүнкү тренинг жемиштүү болгонун жана жаңы, пайдалуу нерселерди үйрөнүшкөнүн баса белгилешти.

Тренингдин уюштуруучуларына “MER” долбоорунун координатору А.К.Мамбетова, тренер А.К. Кожоназарова, КММИДжКЖнын “Медайымдык иш” факультетинин декандын милдетин аткаруучу А.А.Байгазиева, кафедранын ассистенттери И.В.Болоцких жана Ынтымак к Адила тренерлерибизге катышуучулардын атынан ыраазычылык билдиребиз.

Нарын медициналык колледжинин окутуучулары медайымдык билим берүүнү реформалоо долбоорунун алкагында уюштурулган “Кесиптик билим берүүнүн компетенциясына ылайык технологияларды колдонуу менен окуу -усулдук материалдарды иштеп чыгуу” 5кундук тренинг-семинарга катышып жатышат.

CALS методикасын колдонуу менен чыр-чатакташкан тараптардын ( саясий партиялардын, кандидаттардын, жаштардын) ортосундагы шайлоого чейинки жана шайлоодон кийинки чыр-чатактарды жоюу максатында “Ийгилик ачкычы- ынтымак” 2 күндүк тренингке Нарын медициналык колледжинин окутуучулары активдүү катышып, сертификат алышты.

14.03.2022-жыл, Нарын шаарындагы Борбордук Азия университетинин алдындагы “Кесиптик жана үзгүлтүксүз билим берүү мектебинин” тренери Айдаралиева А.С. тарабынан Нарын медициналык колледжинин окутуучуларына “Позитивдик ой- жүгүртүү” деген темада семинар өтүлдү.

Бул семинарда окутуучулар студенттерге жеткиликтүү билим берүүдө “үч сыйкырдуу суроолор”, “позитивдик перефраз”,”төрт терезе”, методикалык ыкмаларын колдонушуп, соңунда окутуучуларга “баардык нерсеге ыраазы болуу” аталыштагы медитация өткөрүлдү.

Семинар окутуучулардын купулуна толуп, ушундай семинарларды тез-тез өткөрүлүп туруусун суранышты.

Окутуучулар жаңы ыкмаларды өздөштүрүү менен Айдаралиева Айнура Сабыровнага ыраазычылык билдиришти.

21-22.01.2022-ж, Нарын медициналык колледжинин окутуучулары Нарын шаарындагы Борбордук Азия университетинин алдындагы “Кесиптик жана үзгүлтүксүз билим берүү мектеби” тарабынан уюштурулган “окутуунун методологиясы” аттуу курсуна катышышты.

Бул тренингде окутуучулар сабак өтүүдө, студенттерге теманы жеткиликтүү берүүдө ар кандай интерактивдик ыкмаларды колдонууну үйрөнүштү. (Инсерт, скаффолдинг)