Бүгүн 01.03.2022-жыл, Нарын медициналык колледжинде “1-клиникалык кошуундун” иш мерчемине ылайык “Эмчек бездеринин ооруларын алдын алуу” деген темада акциянын жыйынтыктоочу бөлүгү өттү.

Акцияга Нарын шаарындагы Үй- бүлөлүк борборунун онколог дарыгери Н.Токтогулова, №4 Э.Ибраев атындагы орто мектебинин социалдык педагогу К.Б.Арпачиева, №7 М.Сыдыков атындагы орто мектептин соц. педагогу

Н. Усубалиева, колледждин окутуучулары жана студенттери катышты.

Акцияны жыйынтыктоодо төмөнкү иш-чаралар аткарылды:

– 296 айымдарга түшүндүрүү иштери жүргүзүлдү.

– Эмчек бездин ооруларынын белгилерин өзүн- өзү аныктоо ыкмалары үйрөтүлдү.

– 4 айымдан мастопатия белгилери аныкталып, дарыгерге баруу сунушталып, изилдөөдөн өтүп келип диагнозу тастыкталып дарыланууда.

– О.э. колледждин эмгек жамааттын арасынан 3 айымдан мастопатиянын белгилери аныкталып дарыгерге баруу сунушталды.

Акциянын соңунда келген коноктор тарабынан уюштуруучуларга жакшы каалоо тилектер, жылуу сөздөр айтылып, о.э ушул акция жыйынтыгы менен гана бүтүп калбастан, мектеп окуучуларына, башка окуу жайларга дегеле медицинага тиешелүү башка темаларга дагы ушундай иш-чараларды өткөрүп берүүсүн сунушташты.

Акция жогорку деңгээлде өткөрүлдү.

“КАНТ ДИАБЕТИ” ТЕМАСЫНДА АЧЫК САБАК

Бүгүн 22-мартта Нарын медициналык колледжинин 2-клиникалык кошуундун окутуучулары тарабынан “Кант диабети” темасында ачык сабак өтүлдү.

Сабакта кант диабетинин себеби, типтери, клиникалык белгилери, чоңдордогу жана балдардагы өзгөчөлүктөр, дарт аныктоо ыкмалары, дарылоо, кабылдоолор, диабетикалык таманда багып кароо боюнча кенири маалыматтар берилип, бир нече интерактивдик ыкмаларды колдонуу менен жүргүзүлдү.

Студенттердин билим деңгээлин текшерүү үчүн предтест жана посттест онлайн форматта алынды.

Ачык сабакка конок катары эндокринолог Асаналиев С.Т. жана кант диабети менен жабыркаган Мамбеталиева Бакытбубу жана Жакинбаева Канымкан эжелер чакырылган.

Сабактын соңунда жыйынтыктоо бөлүгүндө эндокринолог С.Т. Асаналиев сөз алып сүйлөп, сабактын темасынын актуалдуулугун белгилеп, бул тема боюнча маалыматтар колледж менен гана чектелбестен, санитардык агартуу ишин жүргүзүү максатында башка окуу жайларда, мекемелерде дагы жүргүзүү сунушталды.

Ачык сабак мыкты денгээлде өтүлүп, өз максатына жетти.

Нарын медициналык колледжинин

1- клиникалык кошуундун иш мерчемге ылайык быйылкы жылы “Эмчек бездеринин ооруларын алдын алуу” деген темада акция өтүү пландалган.

Акциянын алкагында төмөнкү иш чаралар аткарылды:

– Нарын медициналык колледжинин студентерине жыйындар залында 1, 2, 3 курстуун кыздарына тренинг өткөрүлдү. Тренингде видео ролик, слайддардын коштоосу менен эмчек бездеринин жалпы оорулары жана эмчек бездеринин рак оорулары тууралуу маалымат, ооруну алдын алуу максатында ар кандай көнүгүлөрдү үй шартында жазоо, жана эмчек бездерин текшерип кароо көрсөтүлдү. Ошондой эле буклеттер жазалып таратылды.

– Түшүндүрүү иштери өткөрүлүп жаткан убакта студенттердин арасынан бир кыздын эмчек бензин оорусун аныктап. Хирургия сабагынын окутуучусу Имаканова К.А. ал кыз менен баарлашып аны Бишкектеги момологго көрүнүп келүүсүн сунуштады. Ал кыз Бишкекке барып Карабаева Я.Б. врачка көрүнүп “кистозная мастопатия” деген диагноз коюлуп дарылоо курсу берилиптир.

– Ушул эле тренингди Нарын мамлекеттик университетинини студентерине, №7 Матен Сыдыков орто мектебинин 10 – 11 кластын окуучуларына да өткөрүлдү .

– Медико – маалымат борборунан акыркы жылдарга карата статистикалык маалыматтар алынды.

– Ошондой эле калк арасында анкетирлөө жүргүзүлдү.