Архивы Тажрыйба алмашуу - Страница 6 из 7

30Сен, 2021

Бүгүн 30-сентябрь Нарын медициналык колледжинде виртуалдык- академиялык тажрыйба алмашуу максатында, колледждин “анатомия” сабагынын окутуучусу Б.Темирканова Токмок медициналык колледжинин 1-фарм тайпасына “Кан” темасы боюнча онлайн лекция окуду.

29Сен, 2021

НАРЫН МЕДИЦИНАЛЫК КОЛЛЕДЖИ ИНВЕСТОРЛОР МЕНЕН КЫЗМАТТАШУУ АРАКЕТИНДЕ.

21.09.2021-жыл, Франция өлкөсүнүн өкүлү Alexander-Jean Flares Нарын медициналык колледжинин директору Т.Арпачиева менен жолугушту.

Жолугушууда колледждин жетекчилиги тарабынан калыкты тейлөө жана колледждин студенттери тажрыйба өтүү максатында хоспис, санитардык-гигиеналык, фармакологиялык лабораторияларын куруу боюнча проект катары сунушталды.
Alexander-Jean Flares сунушту ишке ашырууда, насыя түрүндө каражат жагынан жардам берээрин билдирди.

23Сен, 2021

2021-жылдын 22- сентябрь күнү, КР Билим берүү жана илим министри Купешев Болотбек Душекович жана министрликтин статс- катчысы Шадыханов Калысбек Токтосунович Нарын шаарындагы Ж. Шералиев атындагы музыкалык мектептин жыйындар залында облустун билим берүү мекемелеринин жетекчилери менен жолугушуу өткөрдү. Жолугушууда облустагы билим берүү уюмдарынын абалын, окутуунун сапаты талкууланды.

Министрдин андан аркы сапары Нарын медициналык колледжинде улантылды.
Б. Купешев колледждин директору Т. Арпачиева жана окуу иштери боюнча директордун орун басары Г. Ходжанова менен жолугуп, материалдык- техникалык базасы менен таанышты.

Министр аталган колледждин билим берүүгө түзүлгөн шарттар, материалдык- техникалык базасы жогорку деңгээлде экенин баалап, колледждин дарегине жылуу сөздөрүн айтып, ыраазычылык билдирип кетишти.

Жолугушууда колледждин директору тарабынан өлкөдөгү эпидемиологиялык кырдаалга байланыштуу COVID-19 жугуштуу оорусуна каршы күрөшүү иштерин жакшыртуу максатында азыркы тапта студенттер эмдөөдөн өтүп жатканын маалымдады.

Ошондой эле колледждин чечилбей келе жаткан көйгөйлүү маселелери айтылып, министр маселени чечүүнүн жолдору боюнча ой пикирлерин билдиришти.

22Сен, 2021

Нарын медициналык колледжинин бүтүрүүчүлөрүн Японияга ишке орноштуруу боюнча иш алып барууда

Бүгүн 21.09.2021-жыл, “Окинава-Нарын” Relationship компаниясынын өкүлү Абакиров Асхат Таалайбекович Нарын медициналык колледжинин студенттери менен жолушгушуп, Япониядагы Окенава шаарынын өкүлчүлүгү менен онлайн конференция өтүлдү.

Жыйында жумуш ордун камсыз кылуу боюнча маалымат берилди

Окинава-Нарын проектисинин келишиминин негизинде студенттер 3-айлык тажрыйба топтоодо тайпалар түзүлүп даярдык көрүүдө.

Нарын медициналык колледжинин усулчусу Орозова Айнура Токтосуновна аталган коомдун өкүлдөрүнө Нарын медициналык колледжинин материалдык техникалык базасы менен тааныштырды

Нарын медициналык колледжинин директору Арпачиева Төлөгүл Батыркановна аталган компаниянын өкүлү менен колледждин студенттерин чет өлкөгө жумушка орноштуруу жолдорун аныктоо жана тыгыз байланышта иш алып барууну сүйлөшүштү.

22Сен, 2021

НАРЫН МЕДИЦИНАЛЫК КОЛЛЕДЖИ БҮТҮРҮҮЧҮЛӨРДҮ ЧЕТ ӨЛКӨГӨ ИШКЕ ОРНОШТУРУУ БОЮНЧА ИШ АЛЫП БАРУУДА.

Бүгүн 20.09.2021-жыл, “Эки Лингвист” ЖЧК дун директору Жумакадыров Элдос Бексултанович Нарын медициналык колледжинин студенттери менен жолугушуп Германияда медайымдарга легалдуу иштешине көмөк көрсөтүү боюнча кеңири маалыматтар берип өттү.

Нарын медициналык колледжинин усулчусу Орозова Айнура Токтосуновна тарабынан аталган коомдун өкүлдөрүнө Нарын медициналык колледжинин материалдык техникалык базасы менен тааныштырды.

Нарын медициналык колледжинин директору Арпачиева Төлөгүл Батыркановна “Эки Лингвист” ЖЧК дун директору Э. Б. Жумакадыров менен колледждин студенттерин чет өлкөгө жумушка орноштуруу жолдорун аныктоо жана тыгыз байланышта иш алып барууну сүйлөшүштү.