• Найти:
    15Ноя, 2025
    Көңүлдүү старт

    Биз биринчи орунду багындырдык!

    10-ноябрь — “Жаштар күнү” жана 17-ноябрь — *“Бүт дүйнөлүк студенттер күнү”*нө карата өткөн “Көңүлдүү старт” спорттук эстафетасында биздин команда 1-орунду камсыздап, мыкты жыйынтык көрсөттү!

    Бул жеңиш — биримдиктин, аракеттин жана командалык духтун жемиши. Ар бир катышуучунун эмгеги менен биз бул ийгиликти багындырдык.

    Биздин команда — күчтүү, ынтымактуу жана дайым алдыга умтулган!

    Бардык колдогондорго жана уюштуруучуларга ыраазычылык айтабыз. Мындан да чоң ийгиликтерге бирге жетели! ✨

    14Ноя, 2025
    Заманбап зыяндуу адаттар. Вейп

    Нарын медициналык колледжинде “Заманбап зыяндуу адаттар. Вейп” аттуу акция өткөрүлдү

    Нарын медициналык колледжинин жалпы клиникалык кошуну тарабынан өспүрүмдөрдүн саламаттыгын коргоого багытталган маанилүү акция өткөрүлдү. Иш-чарага 4 ДИБ тайпасынын студенттери, Нарын шаарындагы бир нече мектептердин окуучулары жана Нарын облусунун ИИБнин баңгизатка каршы бөлүмүнүн кызматкерлери да катышты.

    Акциянын уюштуруучусу – “Дени сак адам жана анын чөйрөсү” сабагынын окутуучусу Шаршенова У.А.

    Программа төмөнкүлөрдү камтыды:

    • Вейп жана электрондук тамекинин зыяндары боюнча видео презентация
    • Студенттер тарткан таасирдүү сценка “Түтүнгө алданба!”
    • LED экран аркылуу суроо–жооп бөлүгү, интерактивдүү оюндар
    • Нарын облусунун ИИБ баңгизатка каршы бөлүмүнүн кызматкерлери тарабынан профилактикалык түшүндүрүү иштери
    • Акция соңунда чакан фуршет

    Максат — жаштарга вейп “зыянсыз” эмес экенин, никотин көз карандылыгы, өпкө жана жүрөк оорулары сыяктуу коркунучтарды түшүндүрүү жана сергек жашоого үндөө.

    Бул иш-чара жаштардын ден соолугуна болгон жоопкерчилигин арттырууга, туура тандоо жасоого жана зыяндуу адаттардан алыс болууга багытталды.

    Сергек жашоо – сергек келечек!

    Нарын медициналык колледжи ден соолукту чыңдоого жана алдын алуу иштерин уланта берет.

    13Ноя, 2025
    Улуттун улуу жолу

    7-ноябрь – Ата-бабаларды эскерүү күнүнө карата Нарын медициналык колледжинде 2-курстар арасында “Улуттун улуу жолу” аттуу тарыхый конкурс өткөрүлдү.

    Иш-чара Кыргыз Республикасынын Президентинин “Улуттук дем – дүйнөлүк бийиктик уңгу жолу” жана “Азыркы Кыргыз мамлекеттүүлүгүн түптөгөн аталар” жөнүндөгү жарлыктарынын алкагында, ошондой эле НМКнын 80 жылдык мааракесине байланыштырылып уюштурулду.

    Бул конкурс — тарыхыбызды терең билүүгө, улуттук баалуулуктарды даңазалоого жана мекенге болгон сүйүүнү күчөтүүгө багытталган.

    Конкурстун максаты:
    • студенттердин тарыхый аң-сезимин өстүрүү;
    • улуттук баалуулуктарды даңазалоо;
    • мекенчилдик сезимин күчөтүү;
    • ата-бабалардын мамлекеттүүлүк үчүн жасаган эрдиктерине болгон урмат-сыйды арттыруу;
    • жаш муунду патриоттуулукка, биримдикке жана ыйманга тарбиялоо.

    Студенттер төмөнкү багыттар боюнча өз билимин сынашты:
    • Кыргызстан тарыхы жана Нарын медициналык колледжинин тарыхы
    • Кара Кыргыз автономиялуу облусунун тарыхы
    • Адабият өкүлдөрү
    • Чыгаан инсандар
    • Манас эпосу

    Иш-чара жогорку деңгээлде өтүп, катышуучулар тарыхый билимин, таланты менен жигердүүлүгүн көрсөтө алышты.

    #НМК
    #НарынМедКолледжи
    #АтаБабалардыЭскерүүКүнү
    #УлуттунУлууЖолу
    #ТарыхыйКонкурс
    #нмк80жылдыкмаараке
    #УлуттукБаалуулуктар
    #ПатриоттукТарбия
    #КыргызТарыхы
    #МанасЭпосы
    #ЖаштарИшмердүүлүгү
    #БилимЖанаТарбия

    https://youtube.com/shorts/FX0Ewn6woiA?si=qpINQjcd0-8RN8Y6

    12Ноя, 2025
    Эмгек укуктары

    Маалыматтык кампания Нарын медициналык колледжинде!

    Бүгүн Нарын медициналык колледжинде “Эмгек укуктары” боюнча маалыматтык кампания өткөрүлдү.

    Иш-чараны Кыргызстандагы кесиптик бирликтердин Федерациясы DVV International уюму менен биргеликте уюштурду. Кампанияны ККБФнын Нарын облусундагы өкүлү Алымкулов Эмилбек Абдыраимович алып барды.

    Студенттер эмгек укуктары, коопсуз эмгек шарттары жана жаш адистердин социалдык корголушу тууралуу пайдалуу маалыматтарды угуп, активдүү суроолорду беришти. Ошондой эле “Мен өз эмгек укуктарымды билем” аттуу презентация жана кызыктуу Kahoot оюн викторинасы өткөрүлдү.

    Жеңүүчүлөргө уюштуруучулар тарабынан эскерүү белектери тапшырылды.
    Иш-чара жылуу, таанып-билүү атмосферасында өтүп, студенттер уюштуруучуларга ыраазычылыгын билдиришти.

    #НарынМедКолледжи #ФПСК #DVVInternational #Жаштар #ЭмгекУкуктары #ДуалдыкБилим

    8Ноя, 2025
    Эне жана бала саламаттыгы — биздин баалуулук

    Нарын медициналык колледжинде эл аралык деңгээлдеги семинар өттү!

    07-ноябрь күнү Нарын шаарында «Балдардын жана аялдардын ден соолугунун междисциплинардык маселелери» аттуу илимий-практикалык конференция болуп өттү.

    Иш-чара Кыргыз Республикасынын Саламаттык сактоо министрлигинин колдоосу менен «САНДЕР-МЕД» тарабынан уюштурулду.

    Биздин Нарын медициналык колледжинин окутуучулары жана акушердик багыттагы студенттер да катышып, заманбап медициналык ыкмалар боюнча баалуу билим алышты.

    ‍⚕️ Семинарда лекция окуган жана мастер-класс өткөргөн адистер:

    • Зарипова Мария Владимировна — педиатр-инфекционист, Москва, Россия
    • Забелина Татьяна Михайловна — к.м.н., акушер-гинеколог, МОНИИАГ, Москва, Россия
    • Шмаков Роман Георгиевич — д.м.н., профессор, директор МОНИИАГ, Москва, Россия
    • Хованов Александр Валерьевич — к.м.н., доцент ММУ «Реавиз», Москва, Россия
    • Жумалиева Элеонора Курманкуловна — к.м.н., НЦОМиД, Бишкек, Кыргызстан

    Семинар темалары:

    • Балдарда оор дем алуу бузулууларын башкаруу
    • «Татаал» балдарды эмдөөдө туура тактика
    • Чектелген шартта сурфактантты LISA/MIST ыкмасы менен колдонуунун тажрыйбасы
    • Кесарево кесилишинин заманбап ыкмалары жана практикалык тренинг
    • Төрөт учурунда кан кетүүнүн алдын алуу жана операциялык мастер-класстар

    Бул иш-чара биздин студенттер үчүн реалдуу тажрыйба менен илимий билимдин айкалышы болду.

    Мындай жолугушуулар — келечектеги медиктер үчүн чоң мотивация!

    #НарынМедКолледжи #Семинар #Акушердик #Педиатрия #Билим #Өнүгүү

    21Окт, 2025
    Студенттер күнүнө карата жеңиш

    Нарын медициналык колледжинин студенттери футбол таймашында 1-орунду камсыздашты

    17-ноябрда Эл аралык студенттер күнүнө карата Нарын педагогикалык колледжинин демилгеси менен Нарын шаарындагы орто жана жогорку окуу жайларынын студент балдарынын ортосунда кичи футбол боюнча мелдеш болуп өттү. Иш-чаранын негизги максаты – студенттер арасында достукту, биримдикти бекемдөө жана спортту жайылтуу болду.

    Мелдешке жалпы 9 команда катышып, жогорку деңгээлде атаандаштык жүрдү. Жыйынтыгында Нарын медициналык колледжинин балдар командасы мыкты оюн көрсөтүп, 1-орунга ээ болду.

    Жеңүүчүлөр кубок, медаль жана акчалай сыйлыктар менен сыйланышты.

    Нарын медициналык колледжи өз студенттерин бул ийгилиги менен куттуктайт жана келечекте дагы спорттук жана чыгармачыл ийгиликтерди каалайт!