Архивы Жаңылыктар - Страница 44 из 70

19-марттан баштап Нарын шаарындагы #87-кесиптик лицейинде коронавирус пандемиясынан коргонуучу кийимдер тигиле баштады. Бул тигилген кийимдер медицина тармагына, күч органдарына жана тиешелүү кызмат өкүлдөрүнө берилет. Ал жерге Нарын шаарынын мэри Нурбек Молдокадыров барып, жүрүп жаткан иш менен таанышып, тигүүчүлөргө ыраазычылык билдирди.

Мындай демилгени облустук СПИДге каршы күрөшүү борборунун директору Айнагүл Бектурсунова жана Нарын медициналык колледжинин директору Төлөгүл Арпачиева көтөрүп, материалдарын таап, ишти башташкан.

Ал эми бул алгылыктуу ишти материалдык жактан колдогон ишкер айым, шаардык Кеңештин депутаты Ырыс айымга, #87 кесиптик лицейинин директору Байыш Турганбаевге жана аталган лицейдин тигүү цехинин жамаатына Нарын шаардык мэриясы ыраазычылык билдирет.

16Мар, 2020

Урматтуу студенттер, ата-энелер!

Урматтуу студенттер, ата-энелер!
Нарын медициналык колледжинин 2020-жылдын 14-мартындагы Кыргыз Республикасынын аймагында коронавирустун жайылышына жол бербөө жана кырдаалдын өнүгүшүнө бөгөт берүү боюнча КР Коопсуздук кеңешинин чечимине ылайык 16-марттан-8-апрелге чейин мөөнөтүнөн мурда каникул жарыяланды. Каникул мезгилинде студенттер үчүн өз алдынча иштөө пландаштырылып жатат. Сабактар боюнча тапшырмаларды Нарын медициналык колледжинин сайтындагы nmk.org.kg “Студенттер үчүн” деген бөлүгүндө жана ар бир WhatsApp, Facebook тайпаларына жайгаштырылат. Ата-энелер тарабынан суроолор болсо администрацияга кайрылыңыздар. Байланыш телефондор: 03255 5 17 46 , 5 17 48. Студенттер кураторлорго жана сабак берген окутуучуларга кайрылыңыздар.