Бүткүл дүйнөлүк ден соолук күнү 2025

Бүгүн, 7-апрелде, Нарын медициналык колледжинде Бүткүл дүйнөлүк ден соолук күнү белгиленди. Бардык тайпалардын кураторлору студенттер менен ден соолук, ооруулардын алдын алуу жана дене тарбиясы тууралуу класстык сааттарын өткөрүштү.

Студенттер ден соолукту сактоонун, туура тамактануунун, спорт менен машыгуунун жана психологиялык ден соолукту чыңдоонун маанисин талкуулашты.

Биздин студенттер ал алган билимин келечектеги кесибинде жана күнүмдүк турмушунда колдонуп, ден соолукка кам көрө аларына ишенебиз!

#БүткүлДүйнөлүкДенСоолукКүни #ДенСоолук #НарынМедициналыкКолледжи #СаламатБол

Бүгүн Нарын облустук С. Орозбаков атындагы китепканасында кыргыз адабиятынын классик акыны Алыкул Осмоновдун 110 жылдыгына арналган “Эмне? Кайда? Качан?” адабий-интеллектуалдык таймашы өттү. Иш-чаранын максаты – улуу акындын адабий мурасын жайылтуу, анын чыгармачылыгына болгон кызыгууну арттыруу жана жаштарды көркөм адабиятка жакындатуу болду.

Биздин Нарын медициналык колледжинин (НМК) командасы бул таймашка чоң даярдык жана жогорку деңгээлдеги билим потенциалы менен катышты. Студенттер акындын өмүр жолу, чыгармачылыгы, анын чыгармалары жана алган сыйлыктары боюнча берилген суроолорго так жана ыкчам жооп берип, интеллектуалдык дареметин далилдешти. Айрыкча, биздин команда кээ бир учурларда атаандаш команда жооп бере албаган суроолорго туура жооп берип, өз билимин жана тапкычтыгын көрсөтүп жатты.

Жыйынтыгында НМК командасы жеңишке жетишип, I даражадагы диплом менен сыйланып, шыктандыруучу мазмундагы китеп менен сыйланды. Бул биздин студенттердин билими, аракетчилдиги жана көркөм адабиятка болгон кызыгуусунун дагы бир далили. Алар өздөрүнүн жигердүүлүгү, так жана бачым жооптору менен таймаштын өзгөчөлөнгөн жылдыздары болушту.

Биздин жеңүүчүлөрдү кезектеги ийгилиги менен куттуктайбыз! Сиздердин эмгекчилдигиңиздер жана билимиңиздер НМКнын атын дагы бир жолу даңазалады!

#НарынМедКолледжи #АлыкулОсмонов110жыл #АдабийТаймаш #Жеңиш #БизСыймыктанабыз

Нарын медициналык колледжинин студенттери кургак учукка каршы күрөшүү күнүнө арналган иш-чараларга катышты

24-мартта белгиленген Бүткүл дүйнөлүк кургак учукка каршы күрөшүү күнүнө карата Нарын медициналык колледжинин 3-курсунун студенттери Нарын облустук кургак учукка каршы күрөшүү борборунда уюштурулган ачык эшиктер күнүнө активдүү катышты.

Иш-чаранын жүрүшүндө студенттер борбордун ишмердүүлүгү менен таанышып, электрондук база, лаборатория, ооруну аныктоо ыкмалары жана дарылоо процесстери боюнча дарыгерлер жана лаборанттардан кеңири маалымат алышты.

Мындан тышкары, экскурсия маалында OneImpact Kyrgyzstan мобилдик тиркемеси тууралуу түшүндүрмө берилип, студенттер жана окутуучулар бул тиркемени жүктөп алышты. Бул колдонмо кургак учук оорусу тууралуу маалымат алууга, медициналык кызматтарга жетүүгө жана көйгөйлөрдү билдирүүгө мүмкүндүк берет.

#КургакУчук #ДүйнөлүкКургакУчукКүнү #МедицинаСтуденттери #СаламаттыкСактоо #EndTB #WorldTBDay #MedicalStudents #HealthCare #TuberculosisAwareness #YesWeCanEndTB