Медициналык билим берүү мекемеси
Медициналык билим берүү мекемеси
27.05. 2022 жылы “Сестралык билим берүүнү реформалоо” алкагында Нарын медициналык колледжинин окутуучулары жана стейкхолдерлер НОБО нын улуу медайымдарынын катышуусу менен “тегерек стол” өттү. Алгач колледждин материалдык- техникалык базасы менен таанышкандан соң , эксперименталдык, пилоттук проекттин талабы болгон насаатчылык тууралуу талкуу жана пикир алмашуулар жүрдү.
ЭЛ АРАЛЫК КЫЗМАТТАШТЫК- КЕЛЕЧЕККЕ КАРАЙ ЖОЛ.
Нарын медициналык колледжи менен Германиядагы
EDUVISO (Адистерди эл аралык деңгээлде даярдоо) программасы менен келишим түзүлдү.
Нарын медициналык колледжинин директору Т.Б. Арпачиева EDUVISO (Адистерди эл аралык деңгээлде даярдоо) программасынын өкүлү Торстен Свобода менен жолугушуп, эки тилде эки тараптуу келишимге кол коюлду.
Бул келишимдин алкагында, медициналык колледждеги 1-курстун студенттерине немец тили киргизилет. Студенттер 2 жыл 10 айдын ичинде медициналык билим алуу менен бирге немец тилин жакшылап өздөштүрүшөт. Бүткөндө диплом менен кошо немец тилин билгендигин тастыктаган В2 сертификатын алып чыгышат. Андан соң бүтүрүүчүлөр Германия өлкөсүнө барып, кесиби боюнча жумуш менен камсыз болушат.
Нарын медициналык колледжинин окутуучулар тарабынан кесипке багыт берүү максатында Нарын шаарындагы мектеп бүтүрүүчүлөрүнө EDUVISO программасы тууралуу кеңири маалымат беришти.
🥳🥳🥳 10, 15 ЖЫЛДЫК ЖОЛУГУШУУ КЕЧЕСИ🤝🤝🤝
🎉”Жан дүйнөмө бүлүк салган
🎉Жаштыгымдын элестери.
🎉Жалындаган курагымды эстеп турам, көз алдыман өткөрүп” демекчи бүгүн Нарын медициналык колледжинде мындан 10 ,15 жыл мурун бүткөн “Медайымдык иш”, “Дарылоо иш” “Стоматология”,Фармация”бөлүмүн аяктаган бүтүрүүчүлөр келишип, колледждин материалдык- техникалык базасына экскурсия жасашты. Андан соң, колледждин жыйындар залында колледждин окутуучулар жана студенттер жамааты менен жолугушуп, пикир алышуулар, бүтүрүүчүлөргө арналган ыр -күүлөр орун алып, колледждин окутуучулар жамаатына ыраазычылык билдиришип, иштерине ийгилик каалашты.
🎉🎉🎉Бүгүнкү жолугушуу эсте калаарлык деңгээлде өттү.
• Бүгүн Нарын медициналык колледжинде “Калем лидерлер академисынын”директору Мамбетасан Ибраевдин “Биз эмне үчүн ооруйбуз”деген китеби боюнча сынактын жыйынтыгы чыгарылып,жеңүүчүлөр автор тарабынан аныкталып, жыйынтыгында :
• 1-орунду – 2-МИ”б” тайпсынын студенти Адыраева Нургүл 3000 сом .
• 2-орунду – 2-АИ тайпасынын студенти Алмазбекова Гүлдөсүн 2000 сом.
• 3-орунду- 1-ДИ “к”тайпасынын студенти Сүйдүмкул кызы Мираида 1000 сом акчалай сыйлык менен сыйланышты.
• Ал эми алардан кийинки 7 студент көркөм адабий китептер жана ыраазычылык катка ээ болушту.
• Соңунда сынакты өткөрүүдө жигердүү жардам көрсөткөндүгү үчүн колледждин мугалими Тынычбекова Гүлжанга ыраазычылык кат жана “Балама осуят”аттуу китеп белекке берилди.
12 -май “Эл аралык медициналык айымдардын күнүнө” карата , Нарын медициналык колледжинде майрамдык иш – чара болуп өттү. Иш- чарада студенттер колледждеги окуткан мугалимдердин дарегине каалоо-тилектерин, куттуктоолорун, алкыштарын ыр саптары, обондуу ырлар, тамашалуу оюн -зооктор менен куттукташып, гүл чамбарларды тартуулап, иш-чара мыкты деңгээлде өттү.
