Нарын медициналык колледжи
Нарын медициналык колледжи
ЖӨӨ ЖҮРҮШ/ НМК
(27.09.23ж) Нарын шаарынын аймагында “5-октябрь кырсыктардын тобокелин азайтуу күнүнө” карата Нарын медициналык колледжинин студенттери демонстрациялык жөө жүрүшкө жигердүү катышышты.
Андан соң колледждин студенттери Нарын шаарындагы Өзгөчө кырдаалдар бөлүмүнө барышып, ал жерден куткаруучулар тарабынан өрт өчүрүүчү автоунаа, керектүү шаймандар жана өздүк курам менен жакындан таанышып, ачык эшик күнүнө катышышты.
АТА-ЭНЕЛЕР ЧОГУЛУШУ
Нарын медициналык колледжинде 1-курстун студенттеринин ата-энелери менен жолугушуу болду. Чогулушка колледждин директору
Т.Б. Арпачиева, административдик тобу жана ата-энелер катышты.
Чогулушта колледж тууралуу жалпы маалымат, билим берүү системасынын өзгөчөлүктөрү, колледждин жүргүзүп жаткан ишмердиги, адистиктер, сурамжылоо жүргүзүү маселелери, студенттердин тазалыгы, тартиби жөнүндө айтылды.
Жыйын ата-энелердин суроо-жооп, сунуш пикирлери менен коштолуп, ата-энелер тарабынан берилген суроолорго жеткиликтүү жоопторду ала алышты.
Жыйындын соңунда ата -энелер НМКнын жамаатына, өз ыраазычылыктарын билдиришти.
(31.08.2023) ЭГЕМЕНДҮҮЛҮК КҮНҮНӨ КАРАТА СПОРТТУК ИШ-ЧАРАДА НАРЫН МЕДИЦИНАЛЫК КОЛЛЕДЖИ 1-ОРУНДУ ЭЭЛЕДИ.
31-август – Кыргыз Республикасынын Эгемендүүлүк күнүнө, белгилүү мамлекеттик ишмерлер А.Масалиевдин, К.Базарбаевдин 90 жылдыктарына, Н.Исановдун 80 жылдыгына карата Кыргыз Республикасынын Президентинин Нарын облусундагы ыйгарым укуктуу өкүлүнүн Кубогуна арналган мамлекеттик жана жергиликтүү өз алдынча башкаруу органдарынын командаларынын ортосунда облустук мелдеш болуп өттү.
Аталган мелдешке облусубуздун бардык аймактарынан келген 19 команда катышып,1-орунду Нарын медициналык колледжи окутуучулар командасы, 2-орунду Рай ЦСМ, 3-орунду АППП КР ээлешти.
Мелдеш жогорку деңгээлде өтүп, жеңүүчүлөр жана мыкты оюнчулар Кыргыз Республикасынын Президентинин Нарын облусундагы ыйгарым укуктуу өкүлүнүн Кубогу, Мамлекеттик, муниципалдык мекемелердин жана коомдук тейлөө кызматкерлеринин профсоюзунун Нарын облустук комитетинин акчалай сыйлыктары, Нарын облустук дене тарбия жана спорт башкармалыгынын медаль, диплом, баалуу белектери менен сыйланышты.
ак
Kyrgyz 
Russian