• Search for:
    5Июн, 2022
    АКАДЕМИЯЛЫК МОБИЛДҮҮЛҮКТҮН АЛКАГЫНДА НАРЫН МЕДИЦИНАЛЫК КОЛЛЕДЖИНДЕ “УЛУТ ЛИДЕРИ-ЖУСУП АБДЫРАХМАНОВ” ДЕГЕН ТЕМАДА АЧЫК ТАРБИЯЛЫК СААТ ӨТҮЛДҮ.

    (02.06.22)Нарын медициналык колледжинин “Жалпы билим берүү кошуунунун” мугалими
    Бокоев Нарынбек тарабынан Кыргыздын улуу инсаны Жусуп Абдырахмановду эскерүү кечесине арналган ” Улут лидери-
    Жусуп Абдырахманов” деген темада шаарыбыздын “Жаштар ордосунда” ачык-тарбиялык саат өтүлдү. Иш-чарага тажрыйба алмашуу максатында келишкен 7дубандын медициналык колледжинин жетекчилери, НМК нын окутуучулары жана студенттери катышты.
    Эскерүү кечесинде Жусуп Абдырахмановдун кыргыз тарыхында ээлеген ордун, саясий ишмердигин жана басып өткөн жолун чагылдырган театрлаштырылган көрүнүш, видеороликтер, ишмердигин даңазалаган ыр саптары, мекен жөнүндөгү ырлар жаңырып, жаштарды адилеттүү, чынчыл болууга, мекенчилдикке, эмгекчилдикке үндөгөн иш-чара жогорку деңгээлде өттү.

    5Июн, 2022
    НАРЫН МЕДИЦИНАЛЫК КОЛЛЕДЖИНИН ТРЕНАЖЕРДУК БОРБОРУНДА “СТУДЕНТТЕРДИН ӨЗ АЛДЫНЧА ИШИ” БӨЛМӨСҮ УЮШТУРУЛДУ.

    2021-2022 окуу жылында студенттердин өз алдында иш алып баруусу боюнча, олимпиада өткөрүлүп, анатомия , фармакология предметтери боюнча муляждар, макеттер жана альбомдор түзүлдү. Тренажердук борбордо атайын бөлмө уюшулуп, студенттердин өз алдынча аткарган иштери жайгаштырылды.

    5Июн, 2022
    НАРЫН МЕДИЦИНАЛЫК КОЛЛЕДЖИНДЕ РЕМОНТ ИШТЕРИ ЖҮРҮП ЖАТАТ.

    Нарын медициналык колледжинде кезектеги жыл сайын болуп туруучу ремонт иштери жүрүп жатат.
    Колледждин жамааты жууп тазалап, актап, сырдап жаткан учур. Айрым окуу бөлмөлөрүндө реконструкциялоо иштери жүрүүдө.

    5Июн, 2022
    КЫРГЫЗСТАНДАГЫ МЕДИЦИНАЛЫК КОЛЛЕДЖДЕРДИН ОРТОСУНДАГЫ АКАДЕМИЯЛЫК МОБИЛДҮҮЛҮК НАРЫНДАН БАШТАЛДЫ.

    КЫРГЫЗСТАНДАГЫ МЕДИЦИНАЛЫК КОЛЛЕДЖДЕРДИН ОРТОСУНДАГЫ АКАДЕМИЯЛЫК МОБИЛДҮҮЛҮК НАРЫНДАН БАШТАЛДЫ.
    2022-жылдын 1-3 – июнь күндөрү
    КР Президентинин “Инсанды руханий-адептик жактан өнүктүрүү жана дене тарбиясы жөнүндө” жарлыгын ишке ашыруу максатында ” Дени сак адам- өнүккөн өлкө” улуттук программасын аткаруу жана
    Кыргызстандагы медициналык колледждердин ортосундагы академиялык мобилдүүлүк боюнча келишимдин негизинде 7 дубандын медициналык колледждеринин жетекчилери, окутуучулук курамдын мүчөлөрү тажрыйба алмашуу максатында иш сапарын Нарын медициналык колледжинен башташты . Алгачкы күнү колледждин материалдык- техникалык базасы, бардык бөлүмдөрдүн иш-кагаздары, ошондой эле аккредитация боюнча даярдыктары менен таанышышты.
    Экинчи күнү “Кыргызстандагы медициналык колледждеринин ассоциациясынын” волейбол оюунунун ачылыш аземи болду. Иш- чарага КР Президентинин Нарын облусундагы ыйгарым укуктуу өкүлчүлүгүнүн башкы адиси С.К. Эсенаманова , Нарын шаарынын вице-мэри Н.Жумакадырова, Кыргызстандагы медициналык колледждердин ассоцациясынын төрагасы Ө.Станбаев, Нарын облустук дене тарбия жана спорт башкармалыгынын кызматкерлери, 7дубандан келген колледждин жетекчилери катышып, куттуктоо сөздөрүн сүйлөштү. Колледждин директору Т.Б. Арпачиева “Өз ден- соолугубузга кам көрүү менен достугубуз, биримдигибиз чыңалып, биргеликте жетишкендиктерди жараталы” деген оюн айтып, мелдештин катышуучуларына ийгилик каалап өттү.
    Мелдеш жогорку деңгээлде өтүп, 1-орунду Нарын медициналык колледжи, 2- орунду Ош мамлекеттик университетинин алдындагы медициналык колледжи, 3-орунду Ош медициналык колледжи ээледи.
    Ошол эле күнү тажрыйба алмашуу максатында Нарын медициналык колледжинин “жалпы билим берүү кошуунунун” мугалими Бокоев Нарынбек тарабынан ” Улут лидери- Жусуп Абдырахманов” деген темада шаарыбыздын ” жаштар ордосунда” ачык-тарбиялык саат өтүп, келген конокторго тартуулашты. Иш-чара жогорку деңгээлде өттү.
    Кыргызстандагы медициналык колледждердин ассоцациясы мындай иш-чараны улантууну макулдашып, кийинки кезек Бишкек медициналык колледжине берилди.

    5Июн, 2022
    “КОЛЛИ” кубогуна Нарын шаарынан Нарын медициналык колледжинин студенттери 1-орунду ээлешти.

    Кыргыз Республикасынын Президентинин “Инсандын руханий- адеп-ахлактын өнүгүүсү жана дене тарбиясы жөнүндө” жарлыгын ишке ашыруунун алкагында КР башталгыч жана орто кесиптик билим берүү уюмдарынын (“КОЛЛИ” колледждер жана лицейлер) волейбол оюну боюнча Кубогуна Нарын шаарынан Нарын медициналык колледжинин студенттери
    1-орунду ээлешти.

    5Июн, 2022
    НАРЫН МЕДИЦИНАЛЫК КОЛЛЕДЖИНИН БҮТҮРҮҮЧҮЛӨРҮ ЯПОНИЯГА СТАЖИРОВКАГА ӨТҮҮГӨ ИЙГИЛИКТҮҮ УЧУП КЕТИШТИ.

    НАРЫН МЕДИЦИНАЛЫК КОЛЛЕДЖИНИН БҮТҮРҮҮЧҮЛӨРҮ ЯПОНИЯГА СТАЖИРОВКАГА ӨТҮҮГӨ ИЙГИЛИКТҮҮ УЧУП КЕТИШТИ.

    Япон өлкөсүнүн “Relationship” компаниясы менен түзүлгөн келишимдин негизинде жумуш менен камсыз болуу максатында Нарын медициналык колледжинин 4-“дарылоо иши” тайпасынын бүтүрүүчүлөрү Жанышова А. жана Муканбетов Г. Япония өлкөсүндөгү Окинава шаарына стажировка өтүүгө сапарга жөнөштү. Аларды биздин Япон өнөктөштөрүбүз тосуп алышты. Калган студенттерибиз өз кезегин чыдамсыздык менен күтүп атышат.

    kirKyrgyz
    kirKyrgyz ru_RURussian