Нарын медициналык колледжи
Нарын медициналык колледжи
12 -май “Эл аралык медициналык айымдардын күнүнө” карата , Нарын медициналык колледжинде майрамдык иш – чара болуп өттү. Иш- чарада студенттер колледждеги окуткан мугалимдердин дарегине каалоо-тилектерин, куттуктоолорун, алкыштарын ыр саптары, обондуу ырлар, тамашалуу оюн -зооктор менен куттукташып, гүл чамбарларды тартуулап, иш-чара мыкты деңгээлде өттү.
Нарын медициналык колледжи спорттук иш чараларга активдүү катышып ар дайым ийгилик жаратып келебиз.🤗👍Жетекчибиз Тологуль Батыркановнанын ар дайым колдоосу менен жана тренер агайыбыз Нурбек Шакировдун талыкпаган эмгеги, командабызда ойногон кыз келиндердин волейбол оюнуна болгон мыкты машыгуусунун артындагы чоң эмгектин үзүрү. Кезектеги ынтымак оюн Долон лигасы бул жолу Нарын шаарында Нарын медициналык колледжинин командасы тарабынан уюштурулуп,
1- орун- Ой-Терскен, 2-орун -Достук ,
3-орун НМК командалары ээ болушту. Мелдеш жакшы маанайда, мыкты деңгээлде өттү. Келген командаларга терең ыраазычылык билдиребиз!!!
Бүгүн, 28-апрелде Кыргыз Республикасынын калкынын дене бой жактан даярдоо боюнча нормативдик талаптарды аткаргандыктары үчүн КР дене тарбия жана спорт Департаменти тарабынан Нарын медициналык колледжинин кызматкерлерине күбөлүк, алтын жана күмүш төш белгилери тапшырылды.
Иш-чаранын соңунда Нарын медициналык колледжинин директору Арпачиева Тологул Батыркановна уюштуруучуларга жалпы катышуучулардын атынан ыраазычылыгын билдирип, каалоо-тилегин айтып өттү.
Бүгүн 27- апрель күнү Кыргыз Республикасынын Билим берүү жана илим министринин орун басары Жусупбекова Надира Сынташевна Нарын шаарындагы Ж. Шералиев атындагы музыкалык мектептин жыйындар залында облустун билим берүү кызматкерлери менен жолугушуу өткөрдү.
Жолугушуудан кийин Н.С. Жусупбекова Нарын медициналык колледжине келип, окуу процесси, материалдык-техникалык базасы менен таанышып кетти.
“ЖАКШЫ КИТЕП – ЖАН БЕРГЕН КАН СЫЯКТУУ”
23-апрель Бүткүл дүйнөлүк китеп жана автордук укук күнүнө карата Нарын медициналык колледжинин китепканачылары жана студенттери Нарын мамлекеттик университетинин Ж.Саалаев атындагы илимий китепканасы менен биргеликте “Жакшы китеп- жан берген кан сыяктуу” деген темада адабий музыкалык кече уюштурулду.
Кеченин коноктору Нарын облустук коомдук-саясий Теңир-Тоо гезитинин кабарчысы К.Д.Жумабаев, Үмүт шооласы кайрымдуулук коомунун жетекчиси, поэзия сүйүүчү К.А.Эгимбаева, КР Президентинин Нарын облусундагы ыйгарым укуктуу өкүлүнүн аппаратындагы социалдык өнүктүрүү бөлүмүнүн башкы адиси А.Б. Дүйшөналиева болду.
Жогору дагы аталган инсандардын чыгармалары “Теңир- Тоо таланттары” аттуу ыр жыйнагына кирген. Эки окуу жайдын студенттери ырларынан көркөм окушуп, акындардын белектерине ээ болушту.
О.э. Нарын медициналык колледжинин китепканачылар жана студенттер тарабынан даярдалган концерттик программа тартууланды.
Келген коноктор эки окуу жайдын китепканачыларына ыраазычылык билдирип, белектерин беришти.
(21.04.2022) Нарын медициналык колледжинде 1-2- курстар арасында “Студенттердин өз алдынча иши” аттуу олимпиаданын экинчи этабы болуп өттү.
Олимпиаданын шарты боюнча анатомия жана фармакология сабактарынан ар бир тайпаларга темалар бөлүнүп берилген. Берилген тапшырмалар боюнча студенттер чыгармачылык менен жогорку деңгээлде, жоопкерчиликтүү даярданышкан.
Конкурсту баалоо үчүн Нарын шаарындагы стейкхолдерлер: Нарын облустук бириктирилген ооруканасынын медайымдык иш боюнча директордун орун басары Н.Т.Мидинова жана инфекциондук көзөмөл адиси Б. Исраилова катышып, студенттердин өз алдынча иштерине жогорку баа беришти.
Жыйынтыгында 1-курстар арасында 1-орунду 1-“дарылоо иш”, 2-орунду 1- “медайымдык иш” , 3-орунду 1-“акушердик иш” тайпалары ээ болушса, 2-курстар арасында 1-орунду 2-“дарылоо иш”, 2-орунду 2- “медайымдык иш” , 3-орунду 2-“акушердик иш” тайпалары ээ болушуп, грамота жана акчалай сыйлык менен сыйланышты.
Kyrgyz 
Russian