• Search for:
    12Дек, 2024
    МЕЗГИЛ ЖАНА АЛЫКУЛ

    12-декабрь — Улуттук адабият күнү. Бул күн улуу жазуучу Чыңгыз Айтматовдун туулган күнүнө жана кыргыз адабиятынын залкарларын эскерүүгө арналган. Ушуга байланыштуу Нарын медициналык колледжинде “Мезгил жана Алыкул” аттуу поэзия кечеси өткөрүлдү.

    Иш-чара Кыргыз Республикасынын Президентинин “Инсандын руханий-адеп-ахлактык өнүгүүсү жана дене тарбиясы жөнүндөгү” жарлыгынын алкагында уюштурулуп, улуттук баалуулуктарды жайылтууга жана жаштардын руханий-маданий өсүүсүнө өбөлгө түзүүнү көздөдү.

    Бул иш-чараны Нарын медициналык колледжинин китепканачылары Артыкбаева Жылдыз жана Камазбекова Жыпара демилгелеп, Нарын облустук С. Орозбаков атындагы китепкана менен тыгыз кызматташтыкта уюштурушту. Мындан сырткары, С. Орозбаков атындагы китепкананын өкүлдөрү Тагаева Бейшегүл жана Абдыбек кызы Жазгүл да катышып, иш-чаранын алкагында Алыкул Осмоновдун чыгармалары боюнча китеп көргөзмөсүн уюштурушту.

    Кечеде кыргыз поэзиясынын чолпон жылдызы Алыкул Осмоновдун өмүрү жана чыгармачылыгы эскерилип, анын чыгармачылыгынын өзгөчөлүктөрү баса белгиленди. Ошондой эле, иш-чаранын коногу катары Нарын мамлекеттик университетинин студенти, жаш акын Кутман Каныбек уулу чакырылып, өз чыгармаларынан окуп, куттуктоо сөзүн айтты.

    Бул поэзия кечеси улуу инсандардын чыгармачылыгын даңазалоо менен бирге, жаш муундун адабиятка болгон кызыгуусун арттырууга жана улуттук маданий баалуулуктарды жайылтууга чоң салым кошту.

    1Дек, 2024
    СПИД: Сабаттыктан саламаттыкка

    СПИД:
    Билим – сенин коопсуздугуң,
    Дарылануу – сенин ден соолугуң!

    1-декабрь Бүткүл дүйнөлүк СПИДге каршы күрөшүү күнүнө карата Нарын облустук кан аркылуу жугуучу вирустук гепатитти жана АИВ көзөмөлдөө борбору тарабынан уюштурулган бүгүнкү иш-чарада биздин Нарын Медициналык Колледжи мыкты даярдыгы жана чыгармачылыгы менен өзүн көрсөтүп, биринчи орунга татыктуу болду!

    Иш-чарада Нарын облусундагы төмөнкү окуу жайлар жана мекемелер күч сынашты:
    • Нарын педагогикалык колледжи
    • №87 кесиптик лицей
    • Нарын облустук үй-бүлөлүк медицина борбору
    • Нарын облустук бириктирилген ооруканасы
    • Нарын облустук кургак учукка каршы күрөшүү борбору
    • Нарын кан куюу борбору

    Биздин санбюллетень заманбап санарип форматында сунушталып, анын мазмуну, дизайны жана жеткиликтүүлүгү өзгөчө жогору бааланды. Бул санариптик ыкма аркылуу ВИЧ/СПИД боюнча маанилүү маалыматтарды студенттерге жана конокторго кызыктуу жана түшүнүктүү форматта жеткирдик.

    Иш-чаранын жүрүшүндө флешмоб да зор кызыгууну жаратты. Биздин студенттер чыгармачылык демилге жана активдүүлүк көрсөтүп, ВИЧ/СПИДдин алдын алууга арналган маанилүү билдирүүлөрдү флешмоб аркылуу жеткиришти. Ар бир кыймыл ден соолукту сактоо жана сергек жашоо образын жайылтууга багытталды.

    Калыстар тобунун курамы:

    • Нарын облусунун ыйгарым укуктуу өкүлүнүн орун басары
    • Нарын шаарынын мэриясынын өкүлү
    • Саламаттыкты сактоо тармагынын профсоюз комитетинин өкүлү
    • Саламаттыкты сактоо координатору

    Жеңишке жетүү – бул чоң эмгектин жана биримдиктин натыйжасы! Биздин студенттердин жана окутуучуларыбыздын креативдүүлүгү жана талыкпас эмгеги ийгиликке алып келди. Бул ийгилик – жаңы долбоорлордун жана демилгелердин башталышы гана.

    Эгерде биздин флешмобдун толук версиясын жана санбюллетенди көргүңүз келсе, комментарийге “+” белгисин калтырыңыз!

    #НарынМедициналыкКолледжи
    #СанарипИнновациялар
    #СПИДгеКаршыКүрөш
    #Жеңиш
    #БизБирге

    5Окт, 2024
    Ак халатчандар жөө жүрүштө

    5-октябрь күнү Нарын медициналык колледжинин 40 студенти ак халаттарын кийип, Нарын шаарында өткөн жөө жүрүшкө катышты. Бул иш-чара Кыргыз Республикасынын Президентинин Нарын облусундагы ыйгарым укуктуу өкүлүнүн буйругуна ылайык, кырсыктардын тобокелдигин азайтуу боюнча иш-чаралардын алкагында уюштурулган. Жөө жүрүштүн максаты – коомчулуктун кырсыктарга каршы турумдарын күчөтүү жана алдын алуу чараларын кеңири жайылтуу болду. Биздин студенттер бул маанилүү иш-чарага активдүү катышып, жарандык жоопкерчилигин көрсөттү.

    23Дек, 2023
    КОШ ЖЫЛДЫЗ” КАРОО- СЫНАГЫ/ НАРЫН МЕДИЦИНАЛЫК КОЛЛЕДЖИ

    🌟🌟”КОШ ЖЫЛДЫЗ” КАРОО- СЫНАГЫ/ НАРЫН МЕДИЦИНАЛЫК КОЛЛЕДЖИ

    ⭐️(21.12.2023) Бүгүн Нарын шаарындагы М. Рыскулов атындагы Нарын облустук академиялык музыкалык-драм театрында Нарын медициналык колледжинин эмгек жамааты арасында

    “80-90-жылдарга сапар” аттуу “Кош Жылдыз ” кароо-сынагы өткөрүлдү.

    ⭐️Кароо-сынак кызматкерлерге моралдык дем берүү, эстетикалык табитин арттыруу, сергек жана активдүү жашоо образын чагылдыруу жана структуралар аралык ынтымакты, достукту бекемдөө максатында өткөрүлдү.

    ⭐️Кароо-сынакка аталган колледждин эмгек жамаатынан 5 жуп чыгып, жалпы 10 кызматкер даярдык көрүшкөн.

    ⭐️Сынактын жобосуна ылайык катышуучулар саламдашуу ырларын көркөм окушуп, өзүлөрүн тааныштырып өтүштү. О.э. 80-90-жылдардагы ырларды созолонто ырдап, бийлеп өз өнөрлөрүн, таланттарын көрсөтүп, келген конокторду таң калтырышты.

    💃Ар бир номерди биздин колледждин сулуу бийкеч кыздарыбыз бийлеп коштоп турду.

    ✨️Сынакты маданият кызматкерлеринен жана хореографтардан куралган калыстар тобу баалашты.

    ✨️Калыстар тобунун чечими менен

    🥇1- орунду 32 упай топтогон “Алтын-Нур” аталыштагы жуптар: чарба иштери боюнча директордун орун басары Мамытов Алтынбек Жээнбекович жана “Лабораториялык иштердин техникасы” сабагынын окутуучусу Тилекова Нурайым Тилековна камсыз кылды.

    🥈2-орунга 31 упай топтоп, “Жалын” аталыштагы жуптар: дене тарбия сабагынын окутуучусу Э.Э. Абылабеков жана колледждеги жаңы окутуучулардын катарын толуктап, массаж курсунун тренери Шайымалиева Гулзыйнат Замирбековна

    🥉Ал эми 30,2 упай топтоп, “Делбирим” аталыштагы жуптар:техникалык коопсуздук

    инструктору Данияров Айбек Турганалиевич жана Фарм-химия сабагынын окутуучусу Касканова Анара Алымбековна 3-орунду камсыздашты.

    👏Сынактын жыйынтыгында баардык катышуучуларга колледждин профсоюзу тарабынан диплом, акчалай сыйлыктар жана баалуу белектер тапшырылды.

    👏Чынында НМКда чыгармачыл таланттар көп экендигин сынак дагы бир ирет тастыктады.

    👏Кароо сынакты уюштуруучуларына жана колдоп берген НМКнын директору Арпачиева Төлөгүл Батыркановнага терең ыраазычылык билдиребиз.

    👏Нарын медициналык колледжинин “Кош Жылдыз” кароо-сынагынын катышуучуларын колдоп келген үй-бүлөлөрүнө, ата- энелерге, студенттерге жана баардык күйөрмандарга ыраазычылык билдиребиз.

    👍Сынак жогорку деңгээлде өтүп, элдин купулуна толду.

     

    #НМК#КОШ ЖЫЛДЫЗ#СЫНАК#2023

     

     

     

     

     

     

     

     

    22Дек, 2023
    1-ДЕКАБРЬ БҮТКҮЛ ДҮЙНӨЛҮК СПИД МЕНЕН КҮРӨШҮҮ КҮНҮ / СЫНАК

    https://www.facebook.com/share/e2HHHzNBNUo9giLk/?mibextid=I6gGtw

     

    1-ДЕКАБРЬ БҮТКҮЛ ДҮЙНӨЛҮК СПИД МЕНЕН КҮРӨШҮҮ КҮНҮ / СЫНАК

    (01.12.2023) Нарын шаарындагы Нарын медициналык колледжинин жыйындар залында 1-декабрь СПИДге каршы күрөшүү күнүнө” карата Нарын областтык СПИД борбору тарабынан шаардык деңгээлде иш чарасы болуп өттү.

    Анда ВИЧ /СПИД тууралуу маалыматтар, дубал газеталардын, “Kahoot- окутуу платформасы” жана флешмоб конкурстары уюштурулду .

    Нарын медициналык колледжинин студенттери аталган иш-чаранын баардыкконкурстарына катышып, анын ичинен “Kahoot-окутуу платформасы” конкурсунан 1-орунду ээлешти.

    Нарын облустук профсоюз уюму тарабынан сынактын жеңүүчүлөрүнө баалуу белектер жана акчалай сыйлыктар тапшырылды.

    Ошондой эле 1-декабрь Бүткүл дүйнөлүк СПИДге каршы күрөшүү” күнүнө карата НМКнын “Театр студиясынын” студенттери флешмоб уюштурулуп, аталган колледждин окутуучуларына жана студенттерине тартуулашты.

     

     

     

    kirKyrgyz
    kirKyrgyz ru_RURussian