• Search for:
    5Oct, 2024
    Ак халатчандар жөө жүрүштө

    5-октябрь күнү Нарын медициналык колледжинин 40 студенти ак халаттарын кийип, Нарын шаарында өткөн жөө жүрүшкө катышты. Бул иш-чара Кыргыз Республикасынын Президентинин Нарын облусундагы ыйгарым укуктуу өкүлүнүн буйругуна ылайык, кырсыктардын тобокелдигин азайтуу боюнча иш-чаралардын алкагында уюштурулган. Жөө жүрүштүн максаты – коомчулуктун кырсыктарга каршы турумдарын күчөтүү жана алдын алуу чараларын кеңири жайылтуу болду. Биздин студенттер бул маанилүү иш-чарага активдүү катышып, жарандык жоопкерчилигин көрсөттү.

    6Sep, 2024
    КООПСУЗДУК САБАГЫ

    Бүгүн Нарын медициналык колледжинде тарбия иштери боюнча иш мерчеминин негизинде “Рекетизмди алдын алуу” темасында Нарын ШИИБдин окулдору (милициянын капитаны Болотбекова Салтанат Болотбековна, милициянын улук лейтенанты Бактыбекова Айдай Бактыбековна, милициянын лейтенанттары Саалаева Махабат Умоталиевна жана Субанов Элтаян Медербекович) менен биргеликте эркек балдар арасында профилактикалык жолугушуу өткөрүлдү. Инспекторлор биздин эркек студенттер менен өспүрүмдөр арасындагы кылмыштуулукту алдын алуу жана рэкетчиликтин коркунучтары тууралуу түшүндүрүү иштерин жүргүзүштү. Мындай иш-чаралар студенттердин жоопкерчиликтүү жана аң-сезимдүү мамилесин калыптандырууда маанилүү роль ойнойт.

     

    23Aug, 2024
    Көгүлтүр көлдөгү жаш толкундар

    *Көгүлтүр көлдөгү жаш толкундар*
    2024-жылдын 19-21-август күндөрү Нарын медициналык колледжинин Театр студиясынын 15 студенти жана 4 коштоочу (1 мугалим жана Нарын областык ички иштер башкармалыгынын 3 өкүлү) кереметтүү Ысык-Көлдүн жээгинде жайгашкан “Дзержинец” атындагы балдар эс алуу борборунда көңүлдүү эс алып кайтышты. Бул көл кылаасындагы эсте каларлык эс алуу Кыргыз Республикасынын Ички иштер министрлиги жана Нарын облустук ички иштер башкармалыгынын колдоосу менен уюштурулду. Учурдан пайдаланып, биздин таланттуу студенттерибиздин чыгармачылыгын колдоп, эс алуу менен бирге алардын чыгармачылык жаңы шыктанууларын ача алгандыгы үчүн терең ыраазычылык билдиребиз!
    Эскерте кетсек, биздин театр студиясы @nmk.steatr акыркы 2 жылдан бери Нарын облусунун мектептеринде зордук-зомбулуктун алдын алуу темасында спектакль коюп, коомчулукка жагымдуу таасирлерди калтырып жана турмуш сабактарынан көркөм дүйнө аркылуу таалим берип келет.
    Ошондой эле эс алууну баштан-аяк иреттүү уюштуруп ишке ашырып берген “Дзержинец” балдар эс алуу борборунун директоруна жана жалпы жамаатына да чын жүрөктөн алкыш айтабыз.
    Толкуган көлдүн толкунунда чыгармачылык толкундар менен бирге көңүл толкундарынын горизонтунда ак чардактай кайкып учкан таланттуу жаштар жаңы дем жана күргүштөгөн эргүүлөр менен кайтып келишти деп ишенебиз.
    #ТеатрКөлдө #ЖаштаргаЖаңыШык #НарынМедКолледжи #ЗордукЗомбулуккаКаршы #ЖаратылышЖанаЧыгармачылык #Кыргызстан