Архивы Жаңылыктар - Страница 19 из 70

15Май, 2023

“ОРТО КЕСИПТИК БИЛИМ БЕРҮҮ МЕКЕМЕЛЕРИНДЕ САПАТТЫ БАШКАРУУ СИСТЕМАСЫ” АТАЛЫШТАГЫ СЕМИНАР ӨТТҮ

2023-жылдын 12-13- май күндөрү “Кыргыз Республикасындагы медициналык билим берүүнү реформалоо” долбоорунун алкагында Нарын медициналык колледжинин Билим берүүнүн сапатын камсыздоо бөлүмүнүн башчысы Бокоев Н.Т. жана усулчусу Дөөтова З.А “Орто кесиптик билим берүү мекемелеринде сапатты башкаруу системасы” аталыштагы семинарга катышып келишти.

Семинардын максаты: орто кесиптик билим берүү мекемелеринде сапатты башкаруу системасын иштеп чыгуунун жана ишке ашыруунун механизмдерин талкуулоо.

Семинардын катышуучулары сапатты башкаруунун ички системасын практикада колдонууну, СБС(СМК) компоненттерин иштеп чыгууну, билим берүү мекемелеринин жана процесстеринин узактыгын пландаштырууну, аларды документтештирүүнү өздөштүрүштү.

Соңунда семинардын катышуучуларына сертификаттар тапшырылып, катышуучулар тарабынан тренерлерге Ташботоева Бурул жана Нуруева Жаңыл эжелерибизге жылуу создор айтылып, ыраазычылык билдиришти.

6Апр, 2023

КЕСИП ТАНДОО КЕЛЕЧЕКТИ ТАНДОО

3Апр, 2023

АЗАМАТТЫН КАДЫРЫН, АТАСЫ ЭМЕС, ЭЛ БИЛЕТ.

“Эр жигитти эл ичинде сынаба,эл четинде сына,кан кечкен жоо бетинде сына” дегендей, Нарын медициналык колледжинин бүтүрүүчүлөрү:

КР Жарандык коргонуу адистерин кайра даярдоо борборунун улук окутуучусу, улук лейтенант-Имеров Медербек, Бишкек шаарынын Куткаруу кызматынын фельдшер- куткаруучусу, прапорщик-Исаев Руслан, Бишкек шаарына караштуу Ленин району боюнча өрткө каршы куткаруу бөлүгүндө өрт өчүрүүчү, сержант- Нуралиев Адилет, Турция мамлекетиндеги зилзалада Баатыр элдин урпактары экендигин далилдеп, кайгысын тең бөлүшүп,Түрк элинин жүрөгүнөн орун алып, милдетин жоопкерчилик менен так аткарып ,эл сыймыгына ээ болушту. Азаматтын даңкын чыгарган эмгек эмеспи. Эл үчүн кызмат кыла бергиле.

Урматтуу биздин бүтүрүүчүлөр, биз силер менен сыймыктанабыз!

3Апр, 2023

24-МАРТ БҮТКҮЛ ДҮЙНӨЛҮК КУРГАК УЧУККА КАРШЫ КҮРӨШҮҮ КҮНҮ

Нарын медициналык колледжинин студенттери 24-март “Бүткүл дүйнөлүк кургак учукка каршы күрөшүү күнүнө” карата кургак учук менен ооруган бейтаптарга кодулоо жана басмырлоого бөгөт коюу максатында тартылган ролик сынагына катышты.

Сынактын жыйынтыгында аталган колледж 1- орунду ээлешип, баалуу сыйлыктар менен сыйланышты.

3Апр, 2023

НАРЫН МЕДИЦИНАЛЫК КОЛЛЕДЖИНДЕ MER ДОЛБООРУНУН КОМАНДАСЫ МЕНЕН ЖОЛУГУШУУ ӨТТҮ.

(14.03.2023) Женева шаарынан Марина Джиачино жана Катрин Зиммерман МЕR долбоорунун командасы менен Нарын медициналык колледжинин жетекчилиги, окутуучулар жана студенттери менен жолугушуу өттү.

Аталган долбоордун максаты – “Медайымдар иши” адистиги боюнча пилоттук программа кандай өтүп жатканын, ошондой эле бул программага кабыл алынган студенттердин практикасы кандай жүрүп жатканын билүү.

Швейцария Республикасынын каржылоосу менен «Медайымдык билим берүүнү реформалоо» долбоорунун алкагында Кыргызстандагы медициналык колледждери пилоттук режимде «Медициналык айым иши» адистигинин жаңыртылган окуу пландары менен 2022-2023-окуу жылынан тартып Нарын медициналык колледжи иш алып барууда

27Мар, 2023

КОРЕЯ ЭЛ АРАЛЫК КЫЗМАТТАШУУ АГЕНТТИГИНИН (KOICA) ӨКҮЛДӨРҮ НАРЫН МЕДИЦИНАЛЫК КОЛЛЕДЖИНДЕ

КОРЕЯ ЭЛ АРАЛЫК КЫЗМАТТАШУУ АГЕНТТИГИНИН (KOICA) ӨКҮЛДӨРҮ НАРЫН МЕДИЦИНАЛЫК КОЛЛЕДЖИНДЕ

Бүгүн 2023-жылдын 23-мартында Нарын медициналык колледжине Корея Эл аралык кызматташтык агенттигинин (KOICA) жетекчиси Ли Джонгсу, волонтердук программанын координатору Квон Хери жана менеджери Айзат Кыдыкбекова волонтердук иштердин ишмердүүлүгү боюнча жолугушууга келишти.

Буга чейин Нарын медициналык колледжине 2023- жылдын 17-январында КOICA Эл аралык уюму тарабынан “Медициналык иш” багытында волонтердук милдетти аткаруу үчүн Сонг Хеюн айым келген.

Нарын медициналык колледжинин директору Т.Б.Арпачиева келген конокторду жылуу тосуп алып, кызматташуунун мындан аркы кадамдарын талкуулашты.

Расмий жолугушуудан кийин конокторго волонтер Сонг Хеюндун колледжде алып барып жаткан иштери тууралуу видеоролик көрсөтүлүп, андан соң колледждин материалдык-техникалык базасы менен таанышып чыгышты.

Ли Джонгсу мырза KOICA ыктыярчыларына көрсөткөн колдоосу жана тыгыз иштешүүсү үчүн Нарын медициналык колледжинин жетекчисине жана эмгек жамаатына ыраазычылык билдирди.