28Апр, 2022
КР ДЕНЕ ТАРБИЯ ЖАНА СПОРТ ДЕПАРТАМЕНТИНИН ТАРАБЫНАН НАРЫН МЕДИЦИНАЛЫК КОЛЛЕДЖИНИН КЫЗМАТКЕРЛЕРИНЕ КҮБӨЛҮК, АЛТЫН ЖАНА КҮМҮШ ТӨШ БЕЛГИЛЕРИ ТАПШЫРЫЛДЫ.
Бүгүн, 28-апрелде Кыргыз Республикасынын калкынын дене бой жактан даярдоо боюнча нормативдик талаптарды аткаргандыктары үчүн КР дене тарбия жана спорт Департаменти тарабынан Нарын медициналык колледжинин кызматкерлерине күбөлүк, алтын жана күмүш төш белгилери тапшырылды.
Иш-чаранын соңунда Нарын медициналык колледжинин директору Арпачиева Тологул Батыркановна уюштуруучуларга жалпы катышуучулардын атынан ыраазычылыгын билдирип, каалоо-тилегин айтып өттү.
27Апр, 2022
Бүгүн 27- апрель күнү Кыргыз Республикасынын Билим берүү жана илим министринин орун басары Жусупбекова Надира Сынташевна Нарын шаарындагы Ж. Шералиев атындагы музыкалык мектептин жыйындар залында облустун билим берүү кызматкерлери менен жолугушуу өткөрдү.
Жолугушуудан кийин Н.С. Жусупбекова Нарын медициналык колледжине келип, окуу процесси, материалдык-техникалык базасы менен таанышып кетти.
23Апр, 2022
“СТУДЕНТТЕРДИН ӨЗ АЛДЫНЧА ИШИ” АТТУУ ОЛИМПИАДАНЫН ЭКИНЧИ ЭТАБЫ БОЛУП ӨТТҮ.
(21.04.2022) Нарын медициналык колледжинде 1-2- курстар арасында “Студенттердин өз алдынча иши” аттуу олимпиаданын экинчи этабы болуп өттү.
Олимпиаданын шарты боюнча анатомия жана фармакология сабактарынан ар бир тайпаларга темалар бөлүнүп берилген. Берилген тапшырмалар боюнча студенттер чыгармачылык менен жогорку деңгээлде, жоопкерчиликтүү даярданышкан.
Конкурсту баалоо үчүн Нарын шаарындагы стейкхолдерлер: Нарын облустук бириктирилген ооруканасынын медайымдык иш боюнча директордун орун басары Н.Т.Мидинова жана инфекциондук көзөмөл адиси Б. Исраилова катышып, студенттердин өз алдынча иштерине жогорку баа беришти.
Жыйынтыгында 1-курстар арасында 1-орунду 1-“дарылоо иш”, 2-орунду 1- “медайымдык иш” , 3-орунду 1-“акушердик иш” тайпалары ээ болушса, 2-курстар арасында 1-орунду 2-“дарылоо иш”, 2-орунду 2- “медайымдык иш” , 3-орунду 2-“акушердик иш” тайпалары ээ болушуп, грамота жана акчалай сыйлык менен сыйланышты.
23Апр, 2022
НАРЫН МЕДИЦИНАЛЫК КОЛЛЕДЖИНДЕ АЧЫК ЭШИКТЕР КҮНҮ ӨТТҮ.
2022-жылдын 20-21- апрель күндөрү Нарын медициналык колледжинде ачык эшиктер күнү уюштурулуп, ага Нарын шаарындагы орто мектептердин 11-класстарынын окуучулары келишти. Экскурсия убагында уюштуруучулар мектеп бүтүрүүчүлөрүнө окуу жайдын шарттары, окуу бөлмөлөрү, материалдык-техникалык базасы менен кенен тааныштырып, окуучуларга аталган колледждин студенттери тарабынан ар кандай манипуляциялар боюнча мастер класстар көргөзүлдү. Соңунда мектеп бүтүрүүчүлөр жана мугалимдер окуу жайга болгон жакшы ойлорун айтышып, баардык суроолоруна жооп алып кетишти.
15Апр, 2022
КР саламаттык сактоо министрлигинин адам жана ресурстарды тейлөө башкармалыгынын башчысы Бообекова Айгүл Абдрахманова жана Кыргыз медициналык ассоциациясынын президенти Тилеков Эрнис Абдышевич иш сапарынын алкагында Нарын медициналык колледжинде
КР саламаттык сактоо министрлигинин адам жана ресурстарды тейлөө башкармалыгынын башчысы Бообекова Айгүл Абдрахманова жана Кыргыз медициналык ассоциациясынын президенти Тилеков Эрнис Абдышевич Нарын облусуна болгон иш сапарынын жүрүшүндө саламаттык сактоо кызматкерлери менен жолугушуу өткөрдү.
Иш сапарынын алкагында Нарын медициналык колледжинин окуу процесси жана материалдык- техникалык базасы менен таанышып, аталган колледждин дарегине жылуу сөздөрүн айтып, ыраазычылык билдирип кетишти.
