Нарын медициналык колледжи
Нарын медициналык колледжи
15-17-март күндөрү Нарын шаарындагы Академик Ү. Асанов атындагы лицей жатак- мектебинде, №1 Т.Сатылганов, В.П.Чкалов атындагы №2 мектеп-гимназиясы, №4 Э.Ибраев, №5 К.Жакыпов, №7 И. Сыдыков, №8 Арстанбек Буйлаш уулу, №9 А.Садыков, №10 Ж.Чолпонбаев атындагы орто мектептеринде Нарын медициналык колледжинин окутуучулары тарабынан кесипке багыт берүү иш-чаралары жүргүзүлдү.
Бүгүн 01.03.2022-жыл, Нарын медициналык колледжинде “1-клиникалык кошуундун” иш мерчемине ылайык “Эмчек бездеринин ооруларын алдын алуу” деген темада акциянын жыйынтыктоочу бөлүгү өттү.
Акцияга Нарын шаарындагы Үй- бүлөлүк борборунун онколог дарыгери Н.Токтогулова, №4 Э.Ибраев атындагы орто мектебинин социалдык педагогу К.Б.Арпачиева, №7 М.Сыдыков атындагы орто мектептин соц. педагогу
Н. Усубалиева, колледждин окутуучулары жана студенттери катышты.
Акцияны жыйынтыктоодо төмөнкү иш-чаралар аткарылды:
– 296 айымдарга түшүндүрүү иштери жүргүзүлдү.
– Эмчек бездин ооруларынын белгилерин өзүн- өзү аныктоо ыкмалары үйрөтүлдү.
– 4 айымдан мастопатия белгилери аныкталып, дарыгерге баруу сунушталып, изилдөөдөн өтүп келип диагнозу тастыкталып дарыланууда.
– О.э. колледждин эмгек жамааттын арасынан 3 айымдан мастопатиянын белгилери аныкталып дарыгерге баруу сунушталды.
Акциянын соңунда келген коноктор тарабынан уюштуруучуларга жакшы каалоо тилектер, жылуу сөздөр айтылып, о.э ушул акция жыйынтыгы менен гана бүтүп калбастан, мектеп окуучуларына, башка окуу жайларга дегеле медицинага тиешелүү башка темаларга дагы ушундай иш-чараларды өткөрүп берүүсүн сунушташты.
Акция жогорку деңгээлде өткөрүлдү.
Академиялык мобилдуулук боюнча
кийинки сапарыбыз Бишкек медициналык колледжинде уланды. Аталган медициналык колледжинде заманбап жабдуулар менен жабдылган(интерактивдик телевизорлор, лингафондук кабинеттер) студенттердин билим алуусуна баардык шарттар түзүлгөн жана ийримдердин иштери жөнгө салынган. Баса белгилей кете турчу иш: “Ортопедиялык стоматология” бөлүмү абдан жакшы өздөштүрүлгөн, бул бөлүмдө студенттедин тажрыйбалык билим алуусуна баардык шарттар түзүлүп, заманбап жабдуулар менен жабдылган.
Нарын медициналык колледжинин окутуучуларын жана студенттерин жылуу кабыл алышкан Бишкек медициналык колледжинин директору Усубалиева Чолпон Сейтековна жана колледждин жалпы жамаатына терең ыраазычылык билдиребиз!
ЖЕҢИШ КУТТУ БОЛСУН!!!
05.03.2022-жыл, Нарын шаарында 8-март аялдардын Эл аралык күнүнө карата кыз-келиндер арасында волейбол оюну боюнча облустук мелдеш өткөрүлдү.
Мелдешке жалпы 5 команда тандалып катышты. Жыйынтыгында:
1-орун Нарын мед.колледжи
2-орун Ынтымак
3-орун Ат-Башы командалары жеңишке ээ болушуп, жеңүүчүлөргө тиешелүү деңгээлдеги дипломдор, медаль 🏅 жана өтмө кубогу тапшырылды.
Академиялык мобилдуулук боюнча
кийинки сапарыбыз “УНИКУМ” Кыргыз медициналык- социалдык колледжинде уланды. Аталган медициналык колледжинде студенттердин тажрыйбалык билим алуусуна баардык шарттар түзүлүп, заманбап жабдуулар менен жабдылган. О.э бир гана медициналык тармак менен гана чектелбестен студенттердин ден-соолугун чындоо үчүн спорт зал, өнөрлөрүн өркүндөтүү үчүн музыкалык аспаптар менен камсыздалган.
Нарын медициналык колледжинин окутуучуларын жана студенттерин жылуу кабыл алышкан “УНИКУМ” Кыргыз медициналык-социалдык колледжинин менеджери Тамара Бековна жана колледждин жалпы жамаатына терең ыраазычылык билдиребиз!
14.03.2022-жыл, Нарын шаарындагы Борбордук Азия университетинин алдындагы “Кесиптик жана үзгүлтүксүз билим берүү мектебинин” тренери Айдаралиева А.С. тарабынан Нарын медициналык колледжинин окутуучуларына “Позитивдик ой- жүгүртүү” деген темада семинар өтүлдү.
Бул семинарда окутуучулар студенттерге жеткиликтүү билим берүүдө “үч сыйкырдуу суроолор”, “позитивдик перефраз”,”төрт терезе”, методикалык ыкмаларын колдонушуп, соңунда окутуучуларга “баардык нерсеге ыраазы болуу” аталыштагы медитация өткөрүлдү.
Семинар окутуучулардын купулуна толуп, ушундай семинарларды тез-тез өткөрүлүп туруусун суранышты.
Окутуучулар жаңы ыкмаларды өздөштүрүү менен Айдаралиева Айнура Сабыровнага ыраазычылык билдиришти.
Kyrgyz 
Russian