• Search for:
    13Май, 2024
    ӨТМӨ КУБОК ОШ ЖЕРГЕСИНДЕ
    “КЫРГЫЗСТАНДАГЫ МЕДИЦИНАЛЫК КОЛЛЕДЖДЕРИНИН АССОЦИАЦИЯСЫНЫН ӨТМӨ КУБОГУ”/
    3-АЙЛАМПА
    2024-жылдын 11-май күнү ОшМУнун медициналык колледжи тарабынан Ош мамлекеттик университетинин 85 жылдык маарекесине карата Кыргызстандагы медициналык колледждердин ассоциациясынын волейбол боюнча кубогу өткөрүлдү.
    Мелдешке Кыргызстандагы медициналык колледждернин окутуучулардын курама командалары күч сынашты. Оюндар кызуу атаандаштыкта өттү.
    Мелдештин жыйынтыгында байгелүү орунду ээлегендерге акчалай сыйлык жана тиешелүү даражадагы медальдар, грамоталар тапшырылды.
    Мелдештин жыйынтыгында
    🥇1-орун 40 000 (кырк миң) сом – ОшМУнун медициналык колледжи
    🥈2-орун 30 000 (отуз миң) сом – Нарын медициналык колледжи
    🥉3-орун 20 000 (жыйырма миң) сом К.Ш.Токтоматов атындагы эл аралык медициналык колледж
    👏4-орун 10 000 (он миң) сом Жалал-Абад медциналык колледжи ээ болушту.
    Иш чара мыкты, жогорку деңгээлде өткөрүлдү.
     
    441534786_461993946220966_2782770761375387012_n
    13Май, 2024
    ОШ МЕДИЦИНАЛЫК КОЛЛЕДЖИНЕ САПАР
    КЫРГЫЗСТАНДАГЫ МЕДИЦИНАЛЫК КОЛЛЕДЖДЕРДИН ОРТОСУНДАГЫ АКАДЕМИЯЛЫК МОБИЛДҮҮЛҮК
    Нарын медициналык колледжинин жетекчилиги жана окутуучулук курамдын мүчөлөрү КР медициналык колледждердин ортосундагы академиялык мобилдүүлүктүн алкагында 2024-жылдын 10-май -12-май күндөрү тажрыйба алмашуу максатында Ош мамлекеттик университет, ОшМУнун алдындагы медициналык колледжи, Ош медициналык колледжи, Кыргыз-Өзбек эл аралык университети, КӨЭАУнын алдындагы медициналык колледжинде иш сапарында болушту.
     
    30Апр, 2024
    НМК САЯПКЕРЛИК КЫЛГАН ЖӨӨ КҮЛҮКТӨРДҮН МӨӨРӨЙҮ
    ‍♀️Бүгүн 2024-жылдын 30-апрель күнү “Нарын шаарынын туруктуулугун жогорлатуу” программасынын алкагында Нарын шаарындагы Ала-Тоо стадионунда Нарын шаардык дене тарбия жана спорт бөлүмү жана Нарын шаарынын балдар- өспүрүмдөрдүн спорттук мектеби тарабынан спорттун жеңил атлетикалык түрү өткөрүлдү.
    Бул спорттун түрүнө Нарын шаарындагы мекеме-ишканалардын кызматкерлери жогорку жана атайын орто окуу жайларынын студенттери, алардын ичинен Нарын медициналык колледжинин окутуучулары жана студенттери активдүү катышышып, алдынкы орундарды багындырышты.
    22-30 жаш курактагылардын арасынан Нарын медициналык колледжинин “Дене тарбия ” сабагынын окутуучусу Абылабеков Э. – 1-орунду,
    18-22 жаш курактагылардын арасынан НМКнын “1-ДИ(К)” тайпасынын студенти Мусабеков Эрмек – 2-орунду ээлесе,
    Ал эми кыздардын арасынан “1-ДИ(К)” тайпасынын студенти Улан кызы Алтынай – 3- орунду ээледи.
    Жеңил атлетикалык чуркоодо жаш курактарына жараша 1-2-3-орунду ээлеген спортчуларга Борбордук Азия Университетинин “Нарын шаарынын туруктуулугун жогорулатуу” программасынын демилгечилери тарабынан медаль, диплом жана баалуу сыйлыктар менен сыйланышты.

    27Апр, 2024
    “САЛАМАТ ЖҮРӨК” ДЕНИ САК НАРЫНДЫКТАР ҮЧҮН
    “САЛАМАТ ЖҮРӨК” ДЕНИ САК НАРЫНДЫКТАР ҮЧҮН
    Бүгүн 27-апрель күнү Нарын медициналык колледжинде адаттагыдан башкача жемиштүү күн болду. Анткени Кыргыз Республикасынын Саламаттыкты сактоо Министрлигининин алдындагы академик М.Миррахимов атындагы улуттук кардиология жана борборунун дарыгер адистери Нарын шаарына келишти.
    Алар “Ыкчам кардиология” программасынын алкагында (2023-2027жж) жүрө кан-тамыр ооруларын жана башка жугуштуу эмес оорулардын интеграцияланган алдын-алуу боюнча текшерүү (check up) модулун жүргүзүштү.
    Ошондой эле “Миррахимов окуусу” деп аталган Нарын аймагынынын дарыгерлери үчүн практикалык мүнөздөгү лекция өткөрүлдү. “Жүрөк оорулары менен ооругандар көп. Адатта жүрөгү ооруган адам аны байкабай калат, бир заматта көз жумган учур көп кездешет. Кыргызстанда калктын өлүм көрсөткүчүнүн 52%ын түзүү менен башкы себеп болуп эсептелет ”-деди
    Кыргыз Республикасынын башкы пульмонологу Талант Маратбекович Сооронбаев өз сөзүндө жергиликтүү элге жана дарыгерлерге кайрылуусунда. Келген адамдарга акысыз жалпы текшерүү, ЭКГ жана кандагы канттын курамын текшерүү өткөрүлүп, мындай кызматтарды көрсөтүүдө Нарын медициналык колледжинин студенттери көмөк көрсөтүштү.
    Аталган окуу НМКда эмгектенген дарыгер окутуучуларга да пайдалуу болду. “Саламат жүрөк” программасы жүрөк-кан тамыр оорулары боюнча алдыңкы көрсөткүчтөргө ээ тоолуу аймакта жашаган Нарын калкы үчүн оорунун алдын алуу жана дарылануу үчүн күмөнсүз өз жемишин бере алат деген ишенимде катышуучулар бул окуудан канааттануу менен кайтышты.

    No Images Found!

    26Апр, 2024
    САЛАМАТТЫК САКТООНУН САПАТЫ – ДЕН СООЛУК САКЧЫЛАРЫНЫН САБАГЫ

    Нарын медициналык колледжинде Медициналык билим берүүнү реформалоо (MER) долбоорунун колдоосу менен уюшулган тренингке 25-26-апрель күндөрү Нарын облустук бириктирилген ооруканасынын (НОБО) жана Нарын облустук үй-бүлөлүк медицина борборунун (НОҮМБ) 30 медайымы катышты.
    Тренингде Нарын медициналык колледжинин студенттеринин Клиникалык практикаларды өтүүдө алып баруучу насаатчыларды даярдоо улантылды.
    Жыйынтыгында 30 медайым сертификат алышты.
    Бул окуунун максаты: аталган медайымдар студенттик практикада насаатчы катары бекитилип, практикалык көндүмдөрүнүн эффекттивдүүлүгүн арттырып, жоопкерчиликтүү мамиле жогорулайт.
    Ошондой эле долбоордун координатору Нарын медициналык колледжинин пилоттук программасы боюнча окуп жаткан “Медициналык айым” адистигинин 1- курсунун студенттерине долбоор тууралуу кеңири маалымат менен бөлүшүп, алардын суроолоруна жооп берип өттү.

    Все ре
    25Апр, 2024
    АЧЫК ЭШИКТЕР КҮНҮ: ТАНДАЛГАН КЕСИП – ТААЛАЙГА ЭШИК
    2024-жылдын 18-апрель ден – 25-апрельге чейинки аралыкта Нарын медициналык колледжинде ачык эшиктер күндөрүн өткөрүү белгиленген.
    Бул убакыт аралыгында Нарын шаарындагы орто мектептердин 11-класстарынын окуучулары класс жетекчилери менен келип, окуу жай менен жакындан таанышышты.
    Экскурсия убагында мектеп бүтүрүүчүлөрү окуу жайдын материалдык-техникалык базасы менен кенен таанышып, кесипке багыт берүү максатында окуу жайдагы адистиктер, окуу мөөнөтү тууралуу кенири маалымат алалышты.
    Экскурсия убагында окуучуларга окуу жайдын студенттери тарабынан бир нече манипуляциялардан мастер класстар көргөзүлдү.
    Мисалы: Кычкылтек концентраторун колдонуунун техникасы, пульсоксиметрия, кандын топторун, кандагы кантты, дене салмагынын индексин аныктоо ыкмалары, кан басымды өлчөө, десмургия жана инъекциялардын түрлөрү.
    Ар бир экскурсиянын жыйынтыгында мектеп бүтүрүүчүлөрү жана окутуучулары окуу жайга болгон жакшы ойлорун интервью аркылуу айтышып, баардык суроолоруна жооп алып кетип жатышты.
    Окуу жайга болгон экскурсиянын жыйынтыгында мектеп бүтүрүүчүлөрү үчүн кесип тандоодо ,өзгөчө медицина кызматкери болсом деген окуучуларды шыктандырды деген ойдобуз.